Buchwald, Georg: Wittenberger Ordiniertenbuch 2. 1537-1572. Leipzig 1895.
Ordinati in hac Ecclesia haec sua manu huic libro inscribant.
27. Juni. 1565. 4. September. 47 505. Ego Andreas Sander Marienbergensis cum in patria primum in schola fuerim, deinde contuli me Fribergam, ibi uersatus dimidium anni, postea Vitebergam ueni, ibique uersatus per totum triennium, uocatus sum ad munus docendi Euangelium in pago Doschuuitz sub episcopatu Naumburgensi o. p. r. a. a Venerando & clarissimo viro D. Doctore Paulo Ebero Anno dominj 1565 die 27. Junij. 506. Ego Michael Polus Zorbeccensis dedi operam literis in schola Zorbeccensi biennium, in Bitterfeldensi annum, Hallensi Triennium sub D. Paulo Dolscio. Tandem me contuli in Academiam Wittebergensem, ubi similiter uersatus sum Triennium et iam uocatus ad docendum Euangelium in pago Blesien prope Martisburgum, accepi r. p. o. a R. D. D. Paulo Ebero, pastore Ecclesiae Wittembergensis patre et praeceptore meo reuerenter et officiose colendo Anno salutis nostrae 1565 18. Julij. 507. Ego M. Johannes Schreier Austriacus ex oppido Steir ad Anazum fluuium sito dedi operam literis in Schola Steirensi sub Andrea Cydonio quadriennium et sub M. Thoma Pegaeo biennium. Tandem adiutus sumptibus senatus patriae meae Vuitebergam me contuli, ubi similiter discendi causa quadriennium uersatus sum. Cum autem sumptus, quibus inter doctos uiros me diutius sustentarem, deessent, uicissim ad patrias aedes profectus sum, et in illo ipso loco, quo natus sum atque educatus, adiunxi me collegam in conficiendis laboribus scholasticis D. praeceptori meo M. Thomae Pegaeo. Cui officio cum per annuum spácium praeessem, senatus patriae meae pulsus penuria ministrorum uerbi diuini ad docendum Euangelium me uocauit Vuitebergamque ut potestatem illius muneris impetrarem, remisit. Accepi igitur r. o. p. a R. D. D. Paulo Ebero, pastore ecclesiae Vuitebergensis, patre et praeceptore meo reuerenter atque officiose colendo Anno reparatae salutis humanae 1565 25. die Julij. 508. Ego Theophilus Peck natus in valle Joachimica hausi semina pietatis et primarum artium in patria, tandem profectus sum Vuitebergam ibique annum uersatus sum, reuocatus sum a senatu in patriam ad functionem scholasticam cui praefui vndecim annos cum dimidio. Hinc vocatus sum ad ministerium verbi ab illustri domina a Winteritz in pagum cui nomen est Sela, non procul dissitum a Catana vrbe in finibus Bohemiae sita, et missus sum Vuittebergam, vt potestatem illius muneris impetrarem. Accepi igitur r. o. p. a Reuerendo d. d. Paulo Ebero pastore Ecclesiae Vuitebergensis, patre et praeceptore meo obseruandissimo Anno salutis nostrae 1565. 29. die Augusti. 509. Ego Michael Agricola Olsnitzcensis primum operam dedi studiis liberalibus in patria mea, deinde contuli me Norinbergam, ibi per multos annos discendi gratia versatus sum, deinde profectus sum Vuitebergam ibique annum versatus sum, hinc vocatus sum ad ministerium verbi a M. Christophoro Cratone in pagum cui nomen est Ode non procul dissitum ab Olsnitz vrbe que est in Voitlandia et missus Vuitebergam, vt potestatem illius muneris impetrarem. Accepi igitur r. o. p. a reue* rendo d. d. Paulo Ebero pastore Ecclesiae Vuitebergensis, patre et preceptore meo obseruandissimo anno salutis nostrae 1565 29. die Augusti. 510. Ego Franciscus Kusne natus in pago Linto operam dedi literis in Academia Wite- bergensi quadriennium & fui colloborator scholae Belitzensis per annum, vocatus sum ad ministerium euangelij a Capitaneo Wesenbergensi in pago peicatel & ordinatus sum a R. uiro D. paulo Ebero 4. Die septembris Anno 1565. 511. Ego Blasius Pantzer natus in oppido Britzen dedi operam literis in Academia Witebergensi triennium & fui collaborator Scholae Bruckcensis, vocatus sum ad ministerium Euangelij a Capitaneo Wesenbergensi in pago Blumenhagen & ordinatus sum a Reuerendo viro D. D. paulo Ebero pastore Ecclesiae Wittebergensis 4. die septemb. Anno 1565.
