Buchwald, Georg: Wittenberger Ordiniertenbuch 2. 1537-1572. Leipzig 1895.
Incipit Annus a nato Jesu Christo
7. September. 1572. 14. September. 183 uita mihi non arrideret, consecutus sum gradum Magisterij et regressus Wite- bergam biennium praeceptores audiui. Deinde a D. Christophero Pezelio oblatam functionem Ludirectoris in oppido Gardlegia subij eamque biennium sustinui. Tandem reuocatus ab ornatiss. Viro Bartliolomeo Lauterbach Archiquaestore Ducis Saxoniae ad Ministerium ecclesiasticum in pago Etzdorff redij Witebergam ibique a Reuerendo viro D. Friderico Widebramo pastore ecclesiae Witebergensis Dominica 14. Trinitatis Anni 72. confirmatus sum p. r. o. in ministrum. 1226. Ego Christophorus Artopoeus Munsterbergensis Silesius postquam prima literarum initia in patria didiceram, mittor Vratislauiam ibique uersatus sum sub disciplina Doctissimj uiri M. Martini Heluigij in schola Magdalaea ad quadriennium, tandem etiam ea in urbe in schola Elizabethana sub disciplina M. Andreae Vingleri et M. Baltazari Neandri pie in Christo defuncti ultra triennium. Hinc uocatus sum a Senatu Neapolitano ad functionem Scholasticam nimirum officium Cantoris, ibi uixi triennium cum semestre, tandem a senatu eius urbis uocor ad munus Ecclesiasticum in pagum Dittersdorf quod milliare distat ab oppido. More igitur solito rituque pio examinatus atque ordinatus in numerum sacerdotum docentium puram Euangelij doctrinam cooptatus sum sub Reuerendo et Clariss. uiro D. Friderico Widebramo S. Theologiae Doct: et pastore Ecclesiae Witebergensis Anno Christi 72 Dominica 14 Trinitatis. 1227. Ego Hieronymus Murtinus natus in Misniae oppido Scheibenberg quod distat miliari vno Annaberga ab ineunte aetate in patria semina pietatis didici, a parente vero Lesniciam missus 2 annos ibi egi in schola illa. Inde in valles Joachimicas profectus totos octo annos cum semestre versatus sum in ea schola, vt testatur commendatio quam tuli a R. viro D. Paulo Rappio Ludimoderatore. Postea suscepi paedagogiam in instituendis nobilibus in Bohemia quadriennij spacio. Qua conditione -defunctus cepi regere scholam in oppido Willemitz prope Cadanam in Bohemia sito. Tandem auocatus sum per nobilitate et virtute praestantem D. Nicolaum a Schirnding ad docendum sacrosanctum Euangelium in eius pago Durtzsch, qui distat duobus miliaribus a Ciuitate Cadan in Bohemia. Accepi itaque ordinationem ministerij a clarissimo & reuerendiss: domino doctore Friderico Widebramo 14. Septembris anno a reconciliata trinitate 1572. 1228. Ego Andreas Petri natus Cottbusiae postquam elementa pietatis artiumque liberalium in patria usque ad annum vicesimum meae aetatis cognoram didiceramque, A prima enim ineunte aetate diligentes mihi fuere praeceptores scilicet D. Magister Johannes Maior, Magister Bartholomeus Billichius, Dauid Mollerus, Andreas Vietor ingenium meum Grammaticis, Dialecticis Rhethoricisque praeceptis instituentes et exercentes, Diuina ut credo prouidentia et voluntate ad functionem scholasticalem in oppidum Luebenaw sum uocatus, quo quadriennio functus sum officio Cantoris. His finitis annis sum a Venerando Viro Ludouico Otto pastore illius oppidi in Rueland ad officium Ludirectoris uocatus. Cum autem eius loci annum agens visam diligentiam meam in study's literarum tum philosophiae tum theologiae nobilitatis virtute deditus Generosissimusque Dominus Caspar a Gersdorff probauit et animaduertit, me ad Ecclesiasticum officium in pagum Hohenbuk qui miliare situs est ab oppido Rueland vocauit. Consuetudine igitur rituque pio hodierna die qui est 14. Septembris examinatus inque numerum sacerdotum docentium puram incorruptamque Euangelij doctrinam cooptatus sum Sub Reuerendo ac clarissimo viro Domino Friderico Widebramo Sanctae Theologiae Doctore et pastore Ecclesiae Witebergensis Anno Christi 72. Adiutorium meum in nomine DOMINI qui fecit coelum et terram :c.
