Buchwald, Georg: Wittenberger Ordiniertenbuch 2. 1537-1572. Leipzig 1895.
Incipit Annus a nato Jesu Christo
182 17. August 1572. 17. August. 1224. Ego Petrus Reich natus in oppido Willamsdorff sito in ditione Misnensi prope Dresdam postquam prima initia pietatis et literarum in patria didiceram, mittor deinde (Diuina sic disponente prouidentia) consilio parentum in bene constitutam ciuitatis Freibergensis Scholam, in qua triennium sub praeceptoribus M. Valentino Apelle, M. Fridericho Zörlero et collegis ipsorum diligenter instituor et exerceor in praeceptis Grammatices utriusque linguae. Hinc consensu et uoluntate parentum Görlizium proficiscor, ubi annuum spácium consistens diligentiam meam in study’s literarum probaui praeceptore et Rectore scholae ibidem M. Sebastiano Rösslero qui sua intercessione et commendatione effecit, ut mihi annuum stipendium a duobus ciuibus Görlizensibus praeberetur, quorum cum filijs duobus ut paedagogus Goltbergam mittor, regente tunc Scholam Clariss: viro Henrico Paxmanno Medicinae Doctore. Elapso hoc anno postea suasu et autoritate iam nominati Rectoris factus sum paedagogus filiorum Nobilis et Strenui viri Alberti a Bock Capitanei Goltbergensis, ut sic ultra biennium Goltbergae permanens mediocres progressus fecerim in ijs studijs, quibus iuuentus ad humanitatem assuefieri solet. Postea consilio et sumptibus parentum in hanc inclytam et celeberrimam Academiam Wittebergensem missus sesquiannum hic commorans didici cum bonarum artium doctrinas tum Christianae et purioris Religionis initia et fundamenta. Exinde propter res parentum angustas domi cogor excurrere in peregrinas regiones quaerendae conditionis aut promotionis ergo. Venio igitur Argentínám, vbi a Reuerendo et Clarissimo viro D. Johanne Marbachio S. Theologiae Doct: in Collegium D. Wilhelmi ad annum receptus, postea ab eodem mittor in Alsatiam superiorem ad suscipiendam functionem scholasticam in oppido Reichenuilla quae est sub ditione Ducum Wirttenbergensium et Mompelgarden- sinm. Ibi biennium Ludimoderatorem egi. Inde ad patrios lares rediens, eligor a Clarissimo et Integerrimo viro D. Vlricho Mordisio I. V. D. Excellentissimo beatae et aeternae memoriae in paedagogum liberorum ipsius, cui quadriennium seruiens ab ipso dum adhuc supera frueretur aura, postea ab Haeredibus et eorum tutoribus uocor ad regendam et administrandam Ecclesiam Christi, quae in pago Grossenschirma, quod milliare a Freiberga Misniae distat et Mordisij haeredibus paret, colligitur. More igitur solito rituque pio examinatus atque ordinatus in numerum Sacerdotum docentium puram Euangelij doctrinam Cooptatus sum sub Reuerendo et clariss. viro D. Friderico Widebramo S. Theologiae Doct: et pastore Ecclesiae Witebergensis Anno christi M.D.LXXII. Die 17. Augusti. Filium Dei Emanuelem nostrum sedentem ad dexteram patris et dantem dona hominibus ardentibus uotis oro, ut faciat me vas misericordiae et organum salutare destinatum ad usus sibi placentes et mihi totique generi humano salutares. Arnen. 1225. Ego M. Paulus Facklerus Oelsnicensis triennium uersatus sum Cygneae sub disciplina Clariss: et Doctiss: Viri M. Esromi Rotingeri. Peste uero illuc ingruente me Islebiam contuli ibique biennium egi alumnum disciplinae Reuerendorum Virorum M. N. Kogelij et M. Caspari Crucigeri. Auocatis illinc preceptoribus his meis consilio aliorum Freibergam Misorum adij, ubi per annos octo expertus sum summa et humanitatis et beneficentiae officia Clarissimorum virorum D. Hieronymi Welleri Theologi et D. Antonij Fabri Physici ac Medici Freibergensis qui et priuata mea opera in instituendis filiolis suis per annos quinque usus est. Anno deinceps M.D.LXII. cum M. Johannes Auenarius diaconus Freibergensis priuatae meae disciplinae populares suos commendarat, ornatus honorificis testimony's praeceptorum meorum Witebergam profectus sum. Tertio inde anno deductus sum ab Excellentiss. viro Domino D. Casparo Peucero ad Nobilem Virum Johannem Löserum Marscalcum, cuius filiolos triennium institui, ibi cum aulica
