Fabó András: Monumenta evangelicorum Aug. Conf. in Hungaria historica III.

II. Comitatus liptoviensis - Sectio II. De ecclesiis in pagis

70

excepit Nicolaus Benedicti, hunc anno 1610. Jacobus Splényi cum Joanne Lochmann, anno 1621. Andreas Sartorius, 1673. hinc exul. Filia Ivaehnova dabat pastori decimas, quas dominos Rády ademisse, habent querelam acta diaetae 1662.. Alia filialis Alsó Malatin.

16) Nagy-Palugya.

In medio per hussitas exstructum templum habet, in quo Stephanus quidam circa annum 1560. repurgatum evangélium an- nunciare coepit, quem excipiebant Basilius Zaban, Andreas Fabiani, Andreas Jakschi, Matthias Steinhibel, et Joannes Stankovics, qui anno 1674. invalescente persecutione fuga salutom in Transylvania quaesivit. Dum evangelicis pro articulari, ut ajunt, definita fuisset, anno 1688. per regios commissarios excisa pro oratorio et parochia loca accipiebat in inferiori fine pagi Csertomisko cognominato : evangelici eodem non contenti, in superiore fine possessionis agrum domini Francisci Plathy occuparunt, qui recursu facto ad imperatorem adegit socios evangelicos ad centum florenos pro fundo deponendos. Confluente maxima parte populi comitatus ad sacra, duos induxerunt ministros, Joannem Michaelides et Joannem Matthaesius. Iterum in gratiam multitudinis anno 1774. oratorium novum, sex mille auditorum capax,ligneum solum posuerunt, cui post tolerantiam unus solum pastor, Matthias Schulek, optime de instituto praesentis laboris meritus, praefuit; hoc ad Tiszolcz trans- locato, Michael Zorkovszky.

17) Kis-Palugya.

Proprios a tempore reformationis habebat pastores, quos pro- tocollon fraternitatis ab anno 1610., quo fuit Samuel Melikius, ad ultimum exulem, Theodosium Miklány, continet. Sub revolutionibus vicinae bodafalvensi adhaeserat ut filia. Hodie evangelici, quorum est potior pars, Vrbiczam sacrorum causa intrant.

18) Sanctus Petrus.

Hic nostram fuisse ecclesiam non amplius intercidet memoria, dum gratia Josephi II. regis anno, 1784 reductum sit exercitium, sub ministerio reverendi Joannis Rubrini. A seculis praeno-