Fabó András: Monumenta evangelicorum Aug. Conf. in Hungaria historica III.
II. Comitatus liptoviensis - Pars specialis - Sectio I. De ecclesiis in oppidis
62 4) Liptscha (Német Lipcse). Ordine et cultu prae aliis excellentem habuit semper ecclesiam, cujus reformationem circa annum 1550. Stanislaum seniorem Mokoschinum perfecisse ex Indice Vitteb. ordinatorum clarum est. Vir hic dignitate vicearchidiaconi seu superintendentis, ut tum nostri loquebantur, ornatus, plurimum inclaruisset, nisi sta- tim anno sequenti, magno cum moerore singulo rum, funere fuisset elatus. Successit in ecclesia filius Leonhardus, insignis poeta; huic Christophorus Mazurkius, anno 1611. Melchior Rohácsius, anno 1620. Florianus Duchon et Joannes Lochm ann, poeta laureatus caesareus, anno 1645. peste hic mortuus, anno 1665. Esaias Rotarides. In tanta celebritate existentem ecclesiam repente oppressit decennalis persecutio; anno utpote 1672. die 7. martii dominica Reminiscere illustrissimus Bársony cum manu militum capitanei Lam, praesentibus dominis Gabriele Thuranszky et Ladislao Rády, jam romano-catholicis, templum utrumque, utpote in foro Matthaei, et aliud infra oppidum situm, minus, beatae Mariae virgini sacrum, occupabant, traditis clavibus canonico Martinkovics. Parochus hu- jas et simul venerabilis fraternitatis senior, Simon Frivaldszky, citatus Posonium ad delegatum judicium, reversalibus ad mansionem in patria sine officio subscripsit; oppidani autem orbati pastore gemebant ad annum 1682. diem 18. dec., qua invalescentibus motibus bellicis, per dominos Adamum et Me lchiorem Kubinyi reductum exercitium accipiebant, parochiae illocando Martinum Mar- csek et anno 1686. Franciscum Frivaldszky. Eodem anno die 13. nov. praefectus arcis Arva, cum provisore likaviensi, plebanum ex Szlécs inducebant raoxque subsequenti anno die 15. maji majus templum occupabant. Hoc tempore Joannes Kerner provisor likavi- ensis frequenter multis variisque mandatis dominii et venerabilis cleri ad defectionem oppidanos perducere voluit, qui prudentia superarunt tentationem. Sub tumultu Rákóczyano ad annum 1709. Andreas Zsdánszky minister eorum fuit , quo ejecto, praesertim circa annum 1730. per plébános loci ab aditu ad locum articularem multis vexis praecludebantur, quoad pater patriae, Josephus II. anno 1783. exercitio religionis, cui praefecerant reverendum Paulum Schramko, eos donasset. Filiae olim fuerant: Felső et Középső Malatin ; nostra aetate plures habet affiliatas possessiones.
