Fabó András: Monumenta evangelicorum Aug. Conf. in Hungaria historica III.
II. Comitatus liptoviensis - Pars specialis - Sectio I. De ecclesiis in oppidis
63 5) Sanctus Nicolaus. Ex primis docentibus repurgatam religionem habuit Emeri- cum Aegydium Kokavinum, anno 1599. vicearchidiaconum, anno 1604 bic tumulatum. Frequenter hic cogebantur conventus, seu sedes spirituales fraternitatis, in quarum anno 1583. die 13. oct. celebrata calendarium gregorianum receptum fuit. De pace continua ecclesiae inscriptio templi, anno 1664. sub ministerio Samuelis Trano 3cii renovati, quam ex Závodszkyi Diario Korabinszky in L e x i c o p. 633. exhibet, clarum est testimonium. Defuncto celebri pastore Georgio Tranoscio, qui anno 1631. inductus fuit, abeunte Bajmoczinum reverendo Tobia Benedicti, successorem habuit anno 1638. Melchiorem Smrtnik, anno 1649. mortuum. Ingruebant fata adversa, templum anno 1673. abreptum jesuitis resignatum fuit, misso in exilium pastore, Samuele Tranoscio. Patres jesuitae Rade- cius et Podhorányi abduxissent incolas a religione, nisi Joannes Matthesius exui eos doctrina erexisset. Sub motibus Tökö- lyanis Sámuelem Tranoscium, sub Rákóczyanis Joannem Matthe- sium pastores habebant; anno 1709. omni libertate exuti. Illuxit tandem et his anno 1783. libertas religionis, vigore cujus conjuncti cum oppido Vrbicza, fruuntur exercitio. Vrbicza, Okolicsna, Dé- ményfalva, Plostin et Illanovo cum Andrásfalva seculo praeterito hujus filiales fuerant. Templum okolicsnense qualibet dominica cum sacris adibant diaconi, ex quibus fuerant anno 1592. David Budeus, anno 1610. Pelargus, anno 1667. Stephanus Mensatoris, ultimus Michael Balneatoris, teste matricula ecclesiae. 6) Bosenberga. Initio reformationis celebris fuit hic doctor Andreas Jacobaei, circa annum 1576. archidiaconus, ut scribit Sigismundus Nostitius in Indice ordinat, vitteberg. ad annum 1578., per eum in diaconum evectus. Eidem succedebat Andreas Czengler, sub quo renovatum est templum , cui imposita haec inscriptio : „ Tempore Rudolphi II. R. Imp. M. D. Steph. lllésházy, comes comitatus lipto- viensis et mag. curiae R. II. ac M. D. Cathanna Pdlffy consors sua 9 eaedificari hoc templum curarunt anno 1585.u Inter alios pastores celebres fuere ad annum 1596. Hieronymus Thurocenus, ad annum
