Fabó András: Monumenta evangelicorum Aug. Conf. in Hungaria historica III.
II. Comitatus liptoviensis - Pars specialis - Sectio I. De ecclesiis in oppidis
61 1687. in usu fuit. Sub motibus Rákóczyanis ab anno 1705.—1709. Joannes Páldiák pastor horum fuit. Filias numerabat : Kis Bobrócz, Pálfalvam ; rigor dominii incolas pertraxit ad romano-catholica sacra attraxitque matres ecclesias, utpote Nádasfalvam et Szmrecsán. 2) Bocza. Ut auro praestanti, ita exercitio religionis dives montanum oppidum. Inter primos pastores ejus fuit Georgius Mokoschinus et anno 1571. Joannes Graszius; sub posteriore oratorium exstructum fuit, quod fere duobus seculis majori parte ferramentis sustentatum, ad annum utpote 1785., quo novi erectio concessa est. Anno 1674. ejecto ministro Mickaele Lányi templum occupatum accipiebat parochum catholicum Andreám Molitoris, antea evangelicum, qui sex mensibus evolutis, dolore conscientiae actus, sacra nostra reassum- sit, et qua evangelicus pastor ecclesiae huic ad annum 1683. praefuit. Reclusi inter valles, retento usu exercitii ad annum 1681. et seqq. sub rigorosissimis inquisitionibus, anno 1721., 1756. peractis, ad nostra tempora pace fruuntur, existentibus pastoribus : anno 1683. Michaele Vozor, anno 1704. Andrea Vozor, 1709. Andrea Reberi, 1720. Paulo Reberi, 1762. Joanne Schmal, 1763. Paulo Doleschal, 1778. Joanne Fabricio, 1782. Michaele Gazsi, 1783. Petro Ambrosy, anno 1788. Paulo Triznay. 3) Hybe Seu Gybe, sub dominio Hradek, luce evangelii collustratum, multis annis seculo sexto et decimo decurrente per Leonhardum Szentpétery ministrum docebatur; reliquos non numerabimus. Anno 1673. templum in foro romano-catholicis consignatum fuit, exule pastore Matthia Petrovics. Anno 1682. redditum nostris, in quo Joannes Dianisch sacra perficiebat ad annum 1687., quo vi regni articulorum exaedificarunt oratorium ad superiorem finem oppidi atque priori ministro alium, Joannem Zaban , adjunxerant. Multis superatis difficultatibus, anno 1704. iterum ingrediebantur antiquum templum, in eoque ad annum 1709. sacra agebant, duobus operantibus ministris. Rejecti tandem in oratorium perdurant in exercitio, quod auctis, gratia Josephi II. ecclesiis, per unum jam pastorem administratur.
