Fabó András: Monumenta evangelicorum Aug. Conf. in Hungaria historica III.
II. Comitatus liptoviensis - Pars gene ralis
55 nec modus, nec finis fuit, ut saepe nostri instantiis ad thronum regium delatis demonstrabant clarissime. §. 4. Parochi liptovienses suscepta et perfecta reformatione subordinationem illam diu retinuerant, quae antiquitus obtinuit. Jam anno 1348. per Csanadinum archiepiscopum strigoniensem privilegii fraternitatis donationem obtinuerant, et quidem cum sedis spiritualis jurisdictione *). Rex Ludovicus itidem anno 1361. 15. calendis oct. diplomate dato sanxit, ut plebani liptovienses ab illicitis infestationibus secularibus conserventur, ab omni jurisdictione dominorum comitum de Liptov eximantur. Hoc privilegium anno 1550. egregius Georgius de Rakov, vices gerens locumtenentis palatinalis (utpote Francisci de Réva), nominibus et in personis pleba- norum comitatus liptoviensis confirmandum exhibuit Ferdinando I. regi, qui illud plebanis comitatus Liptov et ipsorum successoribus quoad omnes articulos ratum, gratum et acceptum habuit et per regni cancellarium, reverendissimum Nicolaum Olahum episcopum agriensem expeditum, sigillo muniendum curavit Viennae 15. die mensis martii anno 1550.**). Praeterea expediverat anno 1344. pro his per archiepiscopum strigoniensem confirmatas constitutiones M. dominus Salamon archidiaconus honthensis et canonicus strigonien- sis, ex quibus puncta quinque observare placet: cathedraticum qua- tuordecim grossorum singulis annis deponatur sub conditione defensionis in juribus et libertatibus ; singulis annis vicearchidiaconum consona voce eligendi habeant inter se facultatem, idem habeat potestatem etiam cum plebanis quaslibet causas emersas vel emergendas judicandi; archidiacono visitationis tempore hospitalitatem praestabunt domini plebani; eidem paschalia munera die 16. domini plebani solvere tenentur. In singulis privilegiis his et subordinatio- nibus, nostrae confessionis honorabiles ita vocatos plébános successisse antecessoribus suis, ut praefatum diploma regis Ferdinandi, ita reverendissimi Nicolai Telegdini, praepositi strigoniensis et sede vacante in spiritualibus vicarii, donatio novi sigilli fraternitatis comitatus liptoviensis clare testantur. Utpote anno 1575. honorabiles viri Balthasar Duchon, parochus ad beatam virginem et vicearchi*) Cel. Belii Not. Hung. t. II. p. 518. **) Protocollon liptoviense habet primis foliis, ut et reliqua, quorum hic meminimus.
