Fabó András: Monumenta evangelicorum Aug. Conf. in Hungaria historica I-II Pest 1861-1863.
I. kötet - Pars prima - Caput II
92 tendens *) trans Istrum meruit salutari 4). Hic inter genuinos eosque strenuos veritatis Evangelicae defensores collocandus est. Quod uti semper alias, ita tum vel maxime testatum fecit, cum Joh. Szamarjai Pastorem Halasziensem et Reformatorum Superintendentem refelleret. Ediderat ille Couformitatem Augustanae et Helveticae Confessionis, adversus Ubiquistas, ita genuinos Lutheri socios appellavit, cui nosier pro ea, qua erat, eruditione Vindicias Augustanae Confessionis opposuit «) et apertissimum inter eam et Helveticam discrimen ita ostendit, ut nemo in dubium jure vocare fuerit ausus. Huic notante 1. c. Hajnoczio in acceptis referri debet, quod Compendium Leon. Hutteri lingva hungarica donatum possideamus b). Fuit gener Michaelis Zvona- rits, id quod patet ex Diatyposi ipsa, ubi se Lethenyeus generum vocat Zvonaritsii Superintendentis, in quem gratum et post fata animum declaraturus scripsit an. 1625. metris poeticis c) succinctam vitae ejus Diatyposim. Tandem continuis laboribus fractus circa medium seculi superioris, praeparato prius ad mortem animo XXIV. illis senioribus in coelis adscriptus est. *) Vid. pag. 91. (Gamauf jegyzet e.) 4) Lethenyei erat adhuc 1641. Senior Vid. Pauli Kiss. Dissert, de natura Philosophiae in Michael. Eiffleri Exercitat. I. (Sunt notae Rev. Pauli Major his scilicet 4. numeris comprehensae.) a) Prodierunt Vindiciae Aug. Confessionis Superintendentis nostri Csepregini an. 1633. in IV., quas 111. Com. Paulo Nádasdi dedicavit, quo eum in agnita olim veritate confirmaret. b) Compendium Hutteri hungarice editum est an. 1635. et Judithae Ré- vay, Pauli Nádasdi viduae dedicatum fuit. Laudarunt libellum elegantiori- bus inscriptionibus Bartholomaeus Kis Superintendens et Georg. Textoris Minister Biikiensis. c) Etsi Superintendens noster clarioribus Hungáriáé poetis adnumerari non mereatur, tamen elegans admodum est Anagramma, ex nomine Michael Zvonarits deductum : In Christo laus mea ; quod in memorata sua Diatyposi sub finem sequentem in modum illustravit: Non ego pomposi laudes desidero mundi, In Christo solo laus mea firma manet.
