Fabó András: Monumenta evangelicorum Aug. Conf. in Hungaria historica I-II Pest 1861-1863.
II. kötet - ADVERSARIA - SECTIO III. - CAPUT I.
132 §. 3. Dissensiones hasillustr. condam comes Franciscus de Nádasd in herba, quod ajunt, compositurus, viros ab utraque parte an. 1590. Csepreghinum evocavit, ut non tantum in articulo de coena domini colloquantur; sed etiam ad evitandas omnes in posterum dissensiones Formulae concordiae, libro ecclesiarum evangelicarum symbo- lico, subscribant. Sed uti optimae destinationes saepe saepius ad irritum cadere solent: ita hic evenisse non absque dolore recordamur. Colloquium csepreghiense mense Junio an. 1590. de coena domini inter rev. Severinutn Sculteti, pastorem bartphensem et Stephanum Böyte, ministrum németujváriensem institutum ita finiebatur, ut Böyte, cum se victum adverteret, post conjecta in nostros convicia, furibundo similis templo egrederetur et colloqui amplius detrectaret. Yid. Historia colloquii csepreghiensis, edita a Gregorio Horváth Stansith de Grádecz, qui cum filio Böyte officio publici notarii defunctus fuit. Qui ex calvinianis colloquio huic interfuerunt, recitat Lampe in Historia ecclesiastica pag, 329.. Ex nostris praeter Sculte- tium praesto fuit Georgius Muraközy, pastor sárváriensis, comiti Francisco de Nádasd a sacris et posthac in Hungária inferiori evangelicus superintendens. Dum haec fiunt, non tantum in Hungária multi Formulae concordiae subscribere recusabant, sed etiam Vitembergae cives hungari de eadem perdite et non satis reverenter loquuti sunt. Hinc, elaborante cel. D. Aegydio Hunnio, autoritate electoris Saxoniae, Augusti, omnes tales civitate academica exclusi turmatim Heidelbergam commigrarunt. Vid. M. Daniel Lányi in Ignea veritatis columna parte speciali. *) §• 4. Ante hoc csepreghiense colloquium omnes sub specioso evan gelicorum nomine latuerunt; sed in posterum dissociati, a Johanne Calvino, quem sequuti sunt, calviniani fuerunt adpellati. Variae sunt eorum denominationes. Ab Ulrico Zvinglio, qui Sámsoni, mediolanensi franciscano, indulgentias in Helvetia praedicanti, an. 1519. se opposuit, zvingliani; a Confessione helvetica, quam sequuntur, helvetae; propter mota de sacramentis certamina, sacramenta*) Doleschalnál még : Conf. Lampe 1. cit., qui paria refert de proscriptione hungarorum ex academia vitembergensi, causam tamen proscriptionis non commemorans.
