Fabó András: Monumenta evangelicorum Aug. Conf. in Hungaria historica I-II Pest 1861-1863.
I. kötet - Pars secunda
135 praenunciaret n). Nec fefellit eum multis exemplis confirmata opinio. Nam cum senectus, desperatus ille morbus o) nulla prorsus ratione in melius commutari posset, Schvartzius 28. Dec. an. 1728. finem vivendi fecit, postquam inter frequentissimas vitae molestias earumque vicissitudines annos LXXXVII. explevisset. Funus ei I. ecclesia Eperjesiensis 9. Jan. 1729. ea cum honestate apparavit, ut neque Ven. quondam Superintendentis honori, neque purioris coetus Evangelici existimationi quidpiam defuisse crederetur. Meruerat enim funus nobile et honestum in patria sepulturae locum, qui tot tantisque annis pro salute civium patriae magna animi contentione laboraverat. Deus, qui puriorem coetum Eperjesiensem inter mille pericula superesse voluit, in posterum quoque propitius tueatur et quoties fideli animarum curatore opus fuerit, Schvart/.ios indulgentissime redire sinat, neque adflictum extra moenia gregem suum dirui patiatur. Christianus Phanschmidt. Si quid divinando adsequor, de Ven. Phanschmidio prolixe commentari opus non est, cum vix quisque litteratorum inveniatur facile, cui vitae ejus et officii rationes ignotae esse possint, ne tamen sequutura posteritas jure conqueratur, ordine, quem ingressus sum, vitam ejus et quae huc pertinere videbuntur, percensebo. Natus ille fuit in Lib. Regiaque Civitate Leulschoviensi patre, quod scio, Daniele Phanschmidt, Tribuno plebis gravissimo, matre Susanna Maylatin. In patria adoleverat et haud vulgaria studiorum fundamenta jecerat, fidelissima Ephraimi Kretschmeri a) institutin) Eleganter hanc in rem commentatur Hugo de claustro animae Lib. II. Tres, inquit, sunt nuncii mortis : casus, infirmitas, senectus. Casus dubia, infirmitas gravia, senectus certa nunciat. Casus nuneiat mortem latentem, infirmitas apparentem, et senectus praesentem. o) Non tantum Terentius in Phorm. Act. IV. Seen. 1. senectutem morbum appellat, sed etiam Seneca Epist. 108. insanabilem esse dicit. a) Ephraimus Kretschmerus aeque Leutschoviensis patrem venerabatur Joh. Kretschmerum, gymnasii patrii conrectorem, matrem Dorotheam Reute- rin. In patria ad an. 1674., quo Evangelici maxime premebantur, studia percoluit atque demum Claudiopoli in Transilvania et Leucopetrae in Misnia versabatur, postremo eadem Jenae et Wittembergae in Universitatibus confirmavit. Ab exteris reversus fit in patria an. 1683. conrector et contestata
