Beke Margit: Pázmány Péter egyházlátogatási jegyzőkönyvei 1616-1637 - Strigonium Antiquum 3. (Budapest, 1994)
VI. Archidiaconatus Posoniensis
STRIGONIUM ANTIQUUM 3. omnino bene habet: flor, nempe 20. a Civibus et ligna, precatio. A Domino quot diebus 8. liba mediam mensuram vini aut integram cerevisiae, et ad Christi Natalem porcum saginatum. In funeribus a sono campanae Szeredi- ensis den. 20. tribuunt, alij duplum a cantu den. 25. Discipulorum quivis flor. 1. annuum 15. et plures interdum instruuntur. Ungarorum maior hic ac praecipua pars, Sclavi nonnulli. Auscultant quidem (sacrificio Missae neglecto) concionem Parochi Catholicam, saepius tamen illi in Nagy Mached, hi in Sur commeant ad Praedicantes, quocirca exiguus omnino fructus animarum in Szered sperandus quam diu duo haec loca Praedicantes insederint. Incredibile quam graviter questi ac humiliter precati fuerint cives, ut in coemeterio possint tumulari: sed templum magnis sumptibus instaurasse, illud sartum tectum servare, Parocho stipendium dare, nec decere viros honoratos foras eiici. Antea qui in coemeterio condebantur den. 50. qui in templo flor. 1. eidem pendebant, iam et hoc fructu Ecclesiam minui. Verum ego non aliud respondi quam me ad Eminentissimum Cardinalem referre velle. Et sane si in multis coemeterijs ac templis, quibus Parochus Catholicus praesidet, Catholici et haeretici promiscue terrae mandantur ut in hac Visitatione videre est: nescio quid vetat idem Szerediensibus concedi: nihilo meliores hoc pacto reddentur, praesertim cum pulsus Campanarum permissus sit sola humatio interdicta. Ad extremum numerabis in Szered domus 60. minimum animas 500. cum iis, qui in Arce ordinarie degunt. Pagus Czöppön huc pertinet: nihil solvit, nisi a baptismo et similibus, quod quivis alius praestare solet. Domus 12. animae fortasse 50. ibidem. Census Ca- thedraticus in Szered a memoria hominum non solutus nisi modo. 14. Sur Sur Quia hic non tantum subditi arcis Sente verum etiam Nobiles aliqui vitam agunt, et templum ad se quoque pertinere contendunt: Visitationi mox locum haud debere. Assenserunt postea. Est itaque Divo Michaeli Archangelo dicatum: nuper tectum. Dedicatio Dominica Rogationum. Altare unicum modo tabula insigniter sculptitur et S[ancti] Michaelis effigies depingitur. Certae terrae a Communi colluntur, unde solvunt metretas duas Ecclesiae. Campana nova. Calix cum patena vetus. Coemeterium murus circumdat alicubi minus recte. Parochia terras et prata obtinet, sicut una et media et vocant sessio. Nobiles etiam plagam terrae coluere Praedicanti, cui aratio incumbit. Insuper domus quaevis metretam frumenti et currum lignorum subministrat. Stola ordinaria. Ludimagistro flor. 1. in paratis, et a colonorum quolibet manipulos 5. ab Inquilinis totidem den. Lucratur. Eidem Praedicans ratione mensae 11. metretas frumenti impertit. Ambo ex Moravia profugerunt. Pagi Nagy Sur, Kys Sur, et Valta Sur Ecclesiam constituunt. Primus domos summum 50. animas 250. complectitur. Secundus cum tertio totidem fere et casas 258
