Memoria Basilicae Strigoniensis anno 1856. die 31. augusti (1856)

M*

H

—- —-------------------------------------------------------------------------------------------------------------------------------------------------------------------fl*

—ti 64 *+•—

regente floruit prope Budam in insula Leporum, tardius insula B. M. Virginis dicta, hodie ,Szent Margit szigetje1 vocata, candens innocentiae et humilitatis lilium Beata Margarita, filia Belae IV. Re- o-is, Ordinis Praedicatorum Monialis. Hanc 1271-0 in fama sanctita- tis mortuam Philippus solenni funere extulit. Crebrescentibus autem ad tumulum eiusdem Servae Dei prodigiis, Philippus, iubente Gregorio X. Pontifice, in veritatem dictorum prodigiorum inquisivit. Depositiones testium idiomate hungarico concinnatae apud Georgium Pray legi possunt.1) Idem Metropolita exuvias Belae IV. Regis, cui inter omnes vicissitudines fidelissime adhaesit, ex Ecclesia Fratrum Minorum Strigoniensium in Metropolitanam transferri curavit; ast Ordine Seraphico corpus magni sui Benefactoris possidere impensius desiderante, imo eum in finem ipsum adeo Summum Pontificem precibus adeunte, Philippus noster corpus petitum iisdem Fratribus Minoribus reddidit. Ipse vitae suae curriculum anno 1272. finivit.

25. Nicolaus II.

Anno 1273.

Nicolaus, qua Electus Strigoniensis et Regis Ladislai Cumani Cancellarius, memoratur in Diplomate eiusdem Regis, quo Andreae de Ungh et Jako de Zemlin Comitibus terras Bereche et Staara novae donationis titulo contulit.2) Non secus recurrit eius nomen in alio eiusdem Anni 1273. diplomate, quod Ladislaus Comiti de Scepu- sio quoad possessionem de Újvár edidit.3)

26. Benedictus III.

Ab Anno 1275-1277.

Sedes Strigoniensis II. Cal. Novemb. 1273. et toto anno 1274. vacare dicitur in Diplomatibus.4) Anno 1275. memoratur Benedictus Sanctae Strigoniensis Ecclesiae Electus, eiusdem loci Comes perpetuus, Praepositus Budensis.5) Eius tempore Episcopus Weszprimiensis 1276. duas villas Sermen cessit Metropolitanae Ecclesiae Strigonien') Pray. Vita S. Elisab. et B. Margaritae Tirnav. 1770. p. 230 et 356 —377.

2) Cod. Diplom. V. v. II. p. 79 — 3) Schmitth op. cit. p. 135.

4) Pray. Spec. I. p. 163. — b) Cod. Diplom. V. v. II. p. 301.----------------------------------------------------------------------------------------------------