Memoria Basilicae Strigoniensis anno 1856. die 31. augusti (1856)

**+

+* ;

63 *+~—

Varadinensis, Philippus Zagrabieiisis, Blasius Csanadiensis, Oliveri- us Syrmiensis. *) Regi Belae IY. in negotiis maxime arduis salubriter adfuit, Ecclesiam S. Adalberti Indulgentiis pro festo SS. Petri et Pauli ab Alexandro IY. Pontifice impetratis locupletavit,2) denique eidem Ecclesiae possessiones Vadkert, et Palatium Regium in arce Strigoniensi, pleno iure possidendum impetravit, villam autem Muzs- la aere comparavit.

Post Benedictum in Schematismo Strigoniensi de Anno 1849. erronee ponitur Stephanus IL, Diploma enim, cuius fide Anno 1263. Stephanus electus scribitur,4) ad Annum 1243. est referendum, iam enim anno 1262. et anno 1263. Philippus occurrit in Diplomatibus, ut mox docebimus.

Ab Anno 1262 — 1272.

Philippus e Zagrabiensi Ecclesia Belae beneficio ad Strigonien- sem Metropolim translatus, in principio sui Archi-Episcopatus Hungáriám civili bello involutam vidit. Ad Posonium duae acies, nempe Belae IV. Regis et Stephani V. iunioris Regis consistebant, in mutua vulnera et caedes ruiturae, nisi Antistites concordiam restituissent. Pacis tabulis inseritur, ut ius sit Archi-Episcopo Strigoniensi viola- ! torem pacis sacro anathemate feriendi. Diploma hoc, in quo Philip- !

pus Archi-Episcopus Strigoniensis et Cancellarius Belae IV. memoratur, editum est anno 1262. nono Id. Decembr.5) Anno 1263. praecipuas Ecclesiae Strigoniensis immunitates in compendium redactas a Bela IV. confirmari fecit.0) Monialibus Ordinis Praedicatorum de Insula Leporum vineam contulit in Csolnok. Parocho Teuto-Lipcsensi ratione Decimarum privilegia concessit. Piscinam in Csévtó Ecclesiae Vetero-Budensi adiudicavit. Plebanis Districtus Cibiniensis in Transsylvania Sacramenta a quolibet Episcoporum recipiendi facultatem largitus est.7) Idem in munus Supremi Comitis Strigoniensis per Moysem Palatinum introductus fuit Anno 1270., super quo actu Diploma relatorium adhuc superest. Philippo Ecclesiam Strigoniensem

J) Péterfî cone. Hung. I. p. 87. — 2) Cod. Dipl. IV. v. II. p. 436. — 3) Cod.

Dipl. IV. v. II. p. 359. 434. 374, — 4) Cod. Dipl. IV. v. III. p. 132.

5) Schmitth op. cit. p. 129. Cod. Dipl. IV. v. III. p. 69. — 6) Ibid. p. 133.

7) Cod. Dipl. IV. v. III. p. 151. 182. 230. 240,

24. Philipp u s.