Leo Santifaller: Ergänzungsband 2/2. Festschrift zur Feier des 200 jährigen Bestandes des HHStA 2 Bände (1951)
IX. Nachträge - 82. Thea Oschinsky (Liverpool): Südtiroler Urkunden im Britischen Museum
546 Oschinsky, worden pin und gelten sol dem erbern man Hansen dem Stampflein und allen seinen erben oder wem er ez schüft oder geyt oder wer mich mit dem prieff ermant zway hundert march perner gütter Meraner müns von seiner dienst wegen, die er mir getrewlich getan hat und von der vodrüng und züsprüch wegen, die er kegen meinen swecher Niklaws demTobhann gehabt hat und von der schaden wegen, die er von seinen wegen genommen hat und sol aüch im dezselben gelts geben und aüsrichten auf den nächsten Sand Lorenczzen tach, der allerschierist chümpt, hundert march perner gutter Meraner müns und von dem selben Sand Lorenczzen tach über ein gancz jar die andern hundert march perner gütter Meraner müns, damit daz er der vorgenanten zwayhündert march perner gutter Meraner müns gunczlich und gar aus gerricht und ge wert wirtt auf die vorgeschriben zwo frist und zille zü ieder frist unverczogenlich und an allen schaden alz ein peschiden gütt also peschaydenlich; und mit dem geding, daz der vorgenante Hans Stämpfel oder sein erben oder wem er ez schaft oder geyt oder sein gewizsen pott mich obgenanten Cziprian oder mein erben oder wer von meinen vorgenanten erben wolt oder mocht mannen süllent zü ieder obgenanten frist zü ainemmall und nicht merer ze haws und ze hoff aüf Vilanders ze Grafetsch, da ich ieczünt wezsenlich gesezsen pin, ich sey dan dahaym oder nicht, daz sol im unschedlich sein. Gib ich oder mein erben oder wer von meinen wegen erben wolt dem egenanten Stampflein oder sein erben oder wem er ez schaft oder geyt zü ieder vorgenanten frist hündert march perner gütter Meraner müns alz ein peschiden güt alz obengeschriben stet oder güte phant, daraüs er seines gelts zü ieder vorgenanten frist gänczleich und gar aüs gericht und gewert wirtt unverczogenlich und an allen schaden alz ein peschiden güt, daz ist wol und gütt. Tätt ich oder mein erben oder wer mein gütt erben wolt dezselben nicht zü welcher vorgenanten frist, daz wer welchen schaden dez, der forgenante Hans Stampfei oder sein erben oder wem er ez schaft oder geyt wer mich mit dem prieff ermant nämen, ez sey mit zerüng, mit nach rayzsen, mit potten lonn, mit gericht oder an gericht oder wie man schaden genemen mach, wie der genant ist, nicht aüs zü nemen den selben schaden mitsampt dem hawptgütt sol er haben aüf allen dem güt, daz ich oder mein erben oder die mein güt erben weiten jeczünt haben oder immer gewinen nicht aüs zü nemen. Wer aver, daz ich vorgenanter Cziprian oder mein erben oder wer von meinen wegen erben wolte den vorgenanten Stampflein nicht aüs richtetten hawptguts und Schadens alz oben geschriben stet, so hat er und alle sein erben oder wem er ez schüft oder geyt, mich vorgenanten Cziprian und alle mein erben oder wer von meinen wegen erben wolt und alle die mein, vollen gewält an ze greyffen und cze phenten an aller stat, wa sie uns oder dez unsern icht anchoment inn ken der herschäft und ken allen hern und ken allen richternn und ken aller mänichlich zü allen zeitten an allen schaden, damit daz er gänczlich und gar aüs gericht und gewert wirt paide, hawptgüts und Schadens. Mer ist zü wizzen umb ein gütel, daz gelegen ist ze Velturns und ist gehayzzen zum Tod, daz sein wirttin Angnesen ze recht anerbt und daz mein swecher inne hat, darumb han ich im versprochen und verhaizzen mit meinen trewn, wen mein swecher hewt oder morgen nicht en ist, daz ich im daz selb gütel wil lazzen volgen, ungevert und ungeirt von mir und von allen meinen erben oder wer von meinen wegen erben wolt also, daz ich, noch chainer meiner erben, noch niemant chain chlagvodrüng, noch ansprach darnach nyemermer weder jechen noch haben sülien an chainer stat, noch in chainer weis, weder vor geistlichem noch vor werltlichem rechten. Also versprich ich vorgenanter Cziprian von Vilanders mit meinen trewn alles daz stät ze haben und volfiirern, daz oben geschriben stet und darümb zu ainem urchünd der worhayt gib ich im diesen offen prieff für mich und für alle mein erben oder wer von meinen wegen erben wolt, versigelten mit meinem aygen anhangendem insigel und darumb zü ainer merern sicherayt han ich gepetten den erbern chnecht Achäczye von Layan, zü den zeitten richter ze Güfidawn, daz er von meiner pett wegen sein insigel zü dem meinen an den prieff gehengt hat, im an allen schaden. Dez sint geczewgen Christan von Gerewt, Häinreich Walch, zü den zeitten richter ze Chlawsen, Wälczel der Stainpech und ander erber lewt genüch. Geben nach Christi gepürd drewczechen
