Leo Santifaller: Ergänzungsband 2/1. Festschrift zur Feier des 200 jährigen Bestandes des HHStA 2 Bände (1949)
IV. Quellen und Quellenkunde - 40. Angelus Walz (Roma): Descriptio Teutoniae. Ein Verwaltungsbericht von 1644 über die Dominikaner und Dominikanerinnen in deutschen Landen
692 Walz, De vicariatu Rheni ac Mosellae. In hoc sunt sequentes conventus: S. Crucis Coloniae et S. Gertrudis sororum; Confluen- tinus fratrum et alter sororum velatarum, dictus ad S. Catharinam; Luxemburgensis, Aquisgranensis, Wesaliensis, Marienheidensis, et Mariaevallensis sororum. Colonia est civitas imperialis catholica, habens pro episcopo principem electorem. Hic est praecipuus conventus * 2 3 4), quem habet Germania, octoginta fratrum cum studio generali et novitiatu; habet reditus paucos, unde pro maiori parte ex eleemosynis vivit in bona observantia. In hoc conventu residere solet inquisitor. Timendum ne propter incursum hostium, qui iam patriam devastant et usque ad moenia praedantur, numerus sit diminuendus et fratres dispergendi. Ibidem conventus S. Gertrudis 2) habet 40 moniales, cum clausura viventes religiose in bona observantia. Confluentia, germanice Cobelentz, est civitas catholica archiepiscopi Trevirensis, sita ad Rhenum et Mosellam, ubi uterque fluvius confluit, unde civitas nomen habet. Hic est conventus 14 fratrum, in quo solebat esse studium vel novitiatus 3); modo per Gallo-suecicum bellum ob vastationem patriae studium et novitiatus desiit. Ibidem est conventus sororum Tertiariarum 4), quae ex textura et labore manuum maiori ex parte vivunt, numero 9, satis religiose. Treveris est civitas et residentia archiepiscopi electoris Trevirensis, catholica, ad Mosellam sita, in qua est universitas 4a). Hic est conventus 14 fratrum pauper 5). Ibidem est conventus 24 sororum, dictus ad S. Catharinam 6), depauperatus bonae observantiae. Luxemburgum, germanice Lutzenburg, est civitas catholica in diocaesi Trevirensi, quae modo est sub temporali dominio regis Hispaniarum. Hic habuerunt olim fratres nostri conventum extra moenia, quem ob fortificationem civitatis destrui oportuit, cuius loco aedificarunt fratres novum conventum prope ecclesiam parochialem S. Michaelis, quae conventui nqstro 7) est incorporata et a fratribus administratur ; ex cuius reditibus aliisque eleemosynis vivunt ibidem 20 fratres in bona observantia cum studio morali. Aquisgranum, germanice Aachen, est civitas imperialis catholica, sub episcopo Leodiensi. Habemus hic religiosum conventum 8) 30 fratrum cum studio philosophiae; periclitatur modo plurimum ob hostium irruptionem. [997] Wesalia, germanice Wesel, est civitas haeretica in ducatu Cliviae, sub diocaesi Coloniensi, ad Rhenum sita, nunc ab Hollandis occupata. Habemus ibi conventum 9) 4 fratrum, qui a Calvinistis Hollandis superiori anno gravissimam passi sunt persecutionem; omnes coniecti sunt in teterrimos carceres ad octo menses, in quibus unus P. Fr. Walramus a Linden mortuus est; alii ad instantiam principis electoris Coloniensis tandem relaxati, adhuc ibi perseverant, incerti, quando eiiciantur. Ex ecclesia nostra fecerunt Hollandi suum armamentarium; ita in parva aula conventus, fratres celebrare coguntur, facientes nihilominus aliquem fructum in populo catholico, qui ex paucis civibus et militibus ibi reliquus est. Marienheyden germanice, est locus solitarius, in ducatu Montensi, sub diocaesi Coloniensi, distans una die Colonia. Hic est conventus B. Mariae Virginis, qui tanquam vicariatus *) Löhr, Die Kölner Dominikanerschule 10 ff. 2) QF XXIV 64 f. 3) QF I 7. 4) Vgl. QF XXIV 63 f. 4a)G. Löhr, Die Dominikaner an der Universität Trier, in Studia mediaevalia R. J. Martin, Brügge, 1948, 499—521. 5) QF I 7. •) QF XXIV 60 f. 7) QF I 7. 8) QF I 7. 9) QF IV 12.
