VJESNIK 20. (ZAGREB, 1918.)

Strana - Sveska 4. - 273

273 XIII. Љубљана, 14. марта 1533. Ђарон Никола Турп u Апдрија, Вук u Jocum Ламберг иишу краљу о расиравља/њу са закуиницима u изаслапицима ускочким у сшвари насељења ускочког. Als die kn. Mt. mit denen, so aus Wossen herubergeuallen von wegen Ainsetzung der oeden Grünt zu handln beuolhen. Demnach folgt hienach, was massen der kn. Mt. solicher Handlung halben zu Bericht geschriben vnnd was darauf geratslagt worden. Allergenedigister Herr. E. kn. Mt. haben auf ainer 'Lanndschafft villfeltig anrueffen vnnd- auf die Werbung, so der wollgebornn Herr Niclass Freiherr vom Thum vnd zum Kreuz aus Beuelch der Herrn vnd Lanndtleut, so montags nach allerheilligen Tag bey denn Hofftading hie zu Laibach versamelt gewest, der so sich aus Wossen in E. kn. Mt. gehorsamb ergeben, Vnderhaltung halben furbracht. Auf vnns Beuelch vnnd Instruction aussgeen lassen mit Erzellung, was an derselben Herubergeuallnen Erhaltung gelegen. Weliche Instruction dahin gesteh mit E. Mt. Phlegern vnnd Phandtschafftern, Haubtman zu Adlsperg, Phlegern zu Premb, Laas, Guetnekh, Poelan, Khossth, Maichau, Haubtman in der Metling vnnd mit allen E. Mt. Lanndtleuten, so in derselben Refieren vnbesežt Gueter heten zu handln vnnd sy dahin bewegen, das sy die Lanndtleut auf irn aignen vnnd die Phandtschaffter vnnd Phleger auff E. Mt. vnbesezten Guetern vnnd Grundten, wo dieselben in bestimbten Refieren sein werden, vergunen nider zu thuen mit iren Weib vnnd Khindern, darauf zu wonen, solicher gestalt das angezaigte Zuegebung vnnd Bewilligung auf sechs jar die nagsten nach ainander volgent gestelt, an sy khain Zinss oder ander Dienstperkhait eruordert. Aber, nach Verscheinung der bestimbten sechs Jar sollen sy ain Zinsl als von zehen oder zweit Kreizern zu Erkhantnus der Grunts Obrikhait zu geben gewisen werden, merer Inhalt haben ich Lanndsverweser, Vitzdumb vnnd Joseph von Lamberg erstlich in Abwesen Herrn Niclasen vom Thum vernomen vnnd weill wir Fursorg tragen, das villeicht die Lanndleut soliche Handlung schwärlich annemben vnnd waigern möchten, aus Vrsachen, das sy nach Aussgang der sechs Jar der Zins von iren Guetern gwiss sein wolten. Souerr dann E kn. Mt. dieselben Herubergeuallnen nach den sechs Jaren weiter mit merer FYeihaiten begnadeten, wurde innen beschwarlich vnnd sy nit woll dahin zu bewegen sein, solicher gestalt irer Aigenthumben vnnd Grunnt, die innen in solichem Fall gar von Hannden khumen, zugeraten. Wiewoll innen Empörung der Zins vnnd Nutzung der sechs Jar von iren Grünt auch beschwarlich gnueg sein möcht vnnd E. kn. Mt. deshalb von Rotenpuhl aus geschriben, vnnser Ratt ware zu furderlicher Volziehung solicher Handlung, das vnns beuolhen wurde, wo wir. laut der benennten Instruction nit