VJESNIK 20. (ZAGREB, 1918.)

Strana - Sveska 4. - 274

274 zue lenden, das wir sy vertrössten möchten, aintweders das sy die Lanndtleut irer Zins nach den sechs Jaren gwiss sein oder wo sy E. Mt. weiter begnaden wurden, das sy E. kn. Mt. solicher irer Grundt halben mit ainem Khauf oder Ausswegssl vergnuegen wolt. Vnns het auch fur notturfftig angesehen, Herrn Hannsen Puchler als Verwalter der obristen Veldhaubtmanschafft als der mit den Leuten vill zu thuen hat zu beuelhen sambt vnns hierin zu handln. Nachmals sein wir nichtminder in der Sach fur gefaren E. kn. Mt. Phleger vnnd Phanndtschaffter hieuorbenennt anheut, auch die Herubergeuallnen durch iren Ausschuss, der Gwalt hab. Handlung von vnns anzenemen. Hie zu Laibach vor vnnser zu erscheinen eruordert vnnd als wir anheilt sambt Herrn Hannsen Puchler, den wir zu vnns beschriben vnnd erpeten haben, auch andern Herrn vnnd Lanndleute der Sachen halben rattschluegen, haben wir manigerlay Beschworung vnnd Vngelegenhait, wo wir die Herubergefallnen solicher gestalt vnderprachten befunden, namblich, das wir auf vorernennts vnnser Schreiben von E. kn. Mt. daran nit die menigist Handlung gelegen, khain Beschaid heten. Wo sy also zertailt vnderaprcht, wurde den armen Leuten an sy anrainend (entgegen auch von innen gleichermassen) wenig nachperlicher Will vnnd Freundtschafft bewisen. Der Punberchen Waiden, Holz Besuechung vnnd. in ander Weg wurde täglich baidentaillen vnzellig Beschwarung furfallen, daraus Todtschlag vnnd volgents ferrer Vnrue erw.achssen vnnd Aufleuf, Empörung vnnd zu lesst ainer Parthey der Armenleut oder der Herubergeuallnen Wegtreiben vnnd Vertilgung. Darzue in eewig Zeit khain fridliche Beywonung, aus vill yetzigen frischen Erfarnhaiten vnnd taglichen Geschichten zu besorgen. Es wurden auch die Lanndtleut (in Ansehung der yetzigen aufgerichten Friede) ' der yetzigen khomenden sechs Jar so nacheinander verscheinende (laut E. kn. Mt. Instruction) irer Grundt, Diennstperkhait schwärlich empören. Wir traueten vnns auch soliches : bey innen nit woll zu erheben, dann ain yeder in Zeit des Frids hoffet sein Gueter zu pessern vnnd zu besezen vnnd insonnder das dennocht die Herubergeuallnen an solcher Vnderpringung nit zefriden vnnd der Zertaillung halben bey innen nit zu erheben wäre. Der vnnd ander vill Vrsachen, haben wir auf ernennt E. kn. Mt. Beuelch vnnd Instruction diser Zeit nichts furtraglichs (daran sy die Herubergefallnen ersetigt warn) handln mugen. Vnnd darüber weiter ainen Weg gedacht, wo dieselben Herubergefallnen sich vmb Qttotschitsch, Prundl oder, derselben Ort nider thätten, wäre meniklich (auch E. kn. Mt.) glegen. Aber bey innen derselben Ort zu wonen, wart dise Fursorg, des Vberfals von Veinten (weliches auch wir bedenkhen) vor Augen. Schluegen innen die Glegenhait Khosstall fur, war ir Antwort, daselbst möchten sy. mit irem Viech nit all vnderkhomen. Nachmals begerten wir von innen ze wissen, wo sy sich doch gern vnnd am liebsten das