VJESNIK 20. (ZAGREB, 1918.)
Strana - Sveska 4. - 272
2П So haben wir vnnsern getrewen, lieben Hannsen Puhler, Verwalter der obristen Veldhawbtmanschafft auf Ewer Begern zu Euch verordennt vnnd ime geschriben vnnd beuolchen, das er in beruerten Sachen neben Ewer hanndien helffe vnnd ist vnnser Beuelch, das ir sambt ime lawt beruerter Instruction wie obsteet, handlet. Dann von wegen der ain Tawsenndt Guldin reinisch in Tuech vnd Gelt, so dw Niclass vom Turn den gemelten hervbergeuallen Turkhen aufbringen sollest, haben wir den Beuelch an vnnsern Aufslager Hannsen Zamesser solich ain Tawsenndt Guldin, so du die aufbringest wider zu bezallen, an gesstern auf die Post geben, dir denselben zuezuschikhen. Demnach wellest mit Aufbringung solches Gelts vnnd Tuechs Vleiss haben vnnd dasselb vnnserm Kriegszallmaister in seinen Emphanng zu stellen, damit die nach Ewer Verordnung auf die gedachten her ubergefallen Turkhen gewenndet werden, dann so soll solche Summa durch gedachten vnnsern Aufslager auf Bartholomei nechtskhonfftig von vnnserm newen Viechzol widerumb bezallt werden, lawt beruertes vnnsers Beuelchs Verrer als du Joseph von Lamberg vnns in beruertem deinem Schreiben zu uersteen gibst, dieweil die Verordennten in Kernndtn auf dein Werbung von wegen der Summa Gelts darauf wir vnnsern Hawbtman zu Zenng Erasm Scheyrer gewiss vertrost, ain abslegig Anntwurt gegeben, dass zu besorgen, gedachter Scheyrer on Gelt nicht hinein in Zenng oder zu den Diennstlewten zu bewegen, sein werden. Darauf geben wir Euch zu erkennen, dass wir vber gedachter Ver ordennten in Kernndten abslegig Antwurt inen vnnd auch den Ver ordennten in Steir widerumb geschriben mit Ermanung vnnd auf solich Weg, dass wir vns enntlich versehen, sy werden in beiden Lannden die Summa Gelts darzustrekhen nicht mer waigern noch absiahen. Also dass vnnsers Verhoffens das Gelt vnnserer gethanen Vertröstung noch gewiss sein werde. Vnnd demnach wellet ine den Scheyrer von vnnsern wegen anhallten vnnd vermanen, wie wir ime dann selbs auch ge schriben, dass er mit Fursehung der Flekhen wie bisheer das pest thue, alls ir ze thun wist. Daran thuet ir vnnser Geuallen vnnd ernnstliche Mainung, woltn wir Euch zu Anntwurt nicht verhalten. Geben in vnnser Stat Lynnz, den driten Tag March, anno etc. im XXXIII, vnnserer Reiche des römischen im dritten vnnd der anndern im sibenden. Ferdinand. C иоља иише: Dem edlen vnd vnsern lieben getrewen Niclasen dem Elitern, Freyherrn vom Thum vnd zum Creutz, Andreen von Lamberg, vnnserm Lanndsverweser in Crain, Josephen von Lamberg vnnd Wolfganngen von Lamberg, vnnserm Vitzthumb daselbst, vnnsern Räten in Crain. Ориггтал. Absiedlung der Uskoken!