VJESNIK 20. (ZAGREB, 1918.)

Strana - Sveska 4. - 271

XII. Линц, 3. марта 1533. г

Жраљ Фердипанд одговара na ипсмо комесара у сшвари проширења инсшрукције, dane padu иреговора са иоседпицима u закуипицима. Ferdinand von Gottes Genaden romischer, auch zu Hungern, Behaim etc.' Kunig. . . Edler vnd lieben getreuen. Wir haben Ewer Schreiben, des Datum steet den dreizehenndten Tag February, seiner Innhalt vernomen. Vnnd alls darinnen angezaigt, wie ir die Hanndlung, so wir Euch von wegen Vnnderbringung der herubergefallen Turggen, aufgelegt vnnd beuolhen, fur die Händt genomen vnnd darinnen befunden vnnd bedacht habt, dass villetcht die Lanndtleut das Begern in Ewer Instruction begriffen, beswärlich annemen möchten vnnd sy nach Aussgang der sechs Jahr irer Zinss on verrer Freyung gewiss sein wollten. Desshalben Ewer Guetbedunkhen wäre, wo ir laut bemeliter Instruction nicht zue lennden möchte, dašs ir dann Macht hete, sy die Lanndtleut zu vertrösten, dass sy aintweders der Zinss nach den sechs Jaren gewiss sein oder ob wir die armen Lewt weiter begnaden wurden, dass wir sy die Lanndtlewt irer Gruhndt halben mit ainem Kawf oder Ausswechsel vergnuegen sollten. Darauf geben wir euch zu erkhennen, das wir nit gedennkhen, dass die Landlewt oder Phanndtschaffter, so der Orten vnbesezt Grundt haben besonnder Beswarung oder Nachtail leiden mugen, so dieselben Grundt, die sonnst öd ligen muessen, besezt vnnd erbawt werden. Dann Wo gleich in etlichen Jaren kain Zinss dauon gefeit, so ist doch daran nichts verlorn, sonnder vilmer Nuz, dass die Grundt gepawen vnnd wesenlich gehallten werden, dann das dieselben durch. Vnpaw veröden vnnd wuest sein, darzue hat ain yeder nach den kurzen Jaren, ainen Zinss vnnd Nutzung sambt Merung der Manschafft zu gewarten, dass sonnst nit sein khonnte, so steet in der Lanndtlewt Macht, sich mit den Lewten nach Aussganng der gefreyten Jare hinfur aines zimlichen Zinss nach Gelegennhait, wie der ainem yeden Tail träglich sein wirdet zu uergleichen. Darumben versehen wir vnns die Lanndlewt werden die armen Lewt auf iren Grundten niderzusezen, lawt vnnsers Begerns nicht waigern. Vnnd empfehlen euch darauf mit Ernnst, dass ir mit gedachten vnnsern Phanndtschafftern lawt vnnserer Instruction hanndlet, damit sy die Lewt nach zimlicher Austaillung die bestimbten sechs Jar lanng' Zinses vnnd annderer Beswerung frey sizen lassen vnnd sich nach Ausganng ^derselben Zeit alsdann gegen inen mit Auflegung der Zinss zumlich vnnd leidennlich hallten, damit sy vnnderhalten vnnd also mit der Zeit zu beleiblichen Vnnderthanen gemacht werden, dann dass wir vnns mit den Lanndtlewten vmb- ire Grundt aines Kauffs oder annderer Vergnuegung vergleichen sollen, dass war vnns beswärlich, auch diser Zeit an vnnserm Vermugeri nit.