VJESNIK 20. (ZAGREB, 1918.)

Strana - Sveska 4. - 267

267 Prueling vor Augen wirdet das taglich raisen vnnd Ainfall der Veindt angeen vnnd nunmals zum Thaill im Werch ist, zu widersteen, denselben sy (als die ir Preuch vnnd mainer wissen) vasst diennstlich vnnd teuglich sein. Sy sich auch bisher gar eerlich vnnd riterlich gehalten, aber E. kn. Mt. haben vngezweifelt vernomen das sy der langsamen Fursehung halben etwas schwärmuetig sein worden vnnd wo solich Handlung die E. kn. Mt. Lannd vnnd Leuten gnadigist bedacht vnnd warlich ain vnuermeidliche Noturfft ist durch angezaigt hieobgeschriben Mangl verlengert aufzogen vnnd nit furderlich volzogen mochten, sy noch schwarmuetiger (vnnd vnnsers achtens nit vnpillich) das sy zum Abfall vnnd entrunen Handlung verursacht werden, dardurch das Lannd vnnd Granitzen aber in grosser geuerlicher vnnd dermassen als vor ine gestelt, wie das E. kn. Mt. allergenedigist erwegen vnd selbst bedenkhon mugen. Ist hierauf vnnser vnderthainigist Bit in solichenn hieobgeschribnen dreyen Artikhln bedacht sein vnnd dermassen Beuelch aussgeen lassen vnnd solches furderlich zu bescheen verordnen. E. kn. Mt. haben numals aus mein Josephn Ausrichtung bey den Verordenten in Kharndten von Villach aus, verneinen, das E. Mt. daselbst in Kharndtn derzeit des Gelts wegen, darumben ich mit innen ze handien in Beuelch gehabt nit vertrössten mugen. Nun mocht vielleicht Herr Erasem von Scheur (der yetz ins Lannd ankhomen ist) E. kn. Mt. Haubtman zu Zenng auf solichs Gelt abgeuertigt sein worden. Souer die Sach also gestalt vnnd das er Scheurer E. kn. Mt. Vertrösstungen vnnd Verordnung nach die Bezallung nit haben. Ist sorgklich, er werde sich zu seinen Haubtmanschafft zu ziehen widern vnnd sich hinein khainswegs bewegen lassen, dardurch abermall seine vndergebnen Flekhen in merer Geuärlikhait gesezt wurden. Zu dem war nichts gewissers, dann das das Diennstuolkh, so vnder ime ligt, villeicht auch gemainklich abzugen. Hierumben thue ich E. kn. Mt. vnderthainigist vermanen gnadigist bedacht ze sein, in ander Weg Gelt zu uerordnen, damit er seinem Beuelch desstattlicher auswarten vnnd E. Mt. Noturfft handl wirt mugen, Thuen vnns daneben E. kn. Mt. als vnnserm allergenedigisten Herrn vnnd Landsfursten vnderthainigist beuelchen. Datum Roterpuhl, den XIII Tag Februari anno im XXXIII. E. kn. Mt. vnderthainigist Dienner Joseph von Lamberg Ritter, Andre von Lamberg Verweser der Lanndshawbtmanschafft in Crain, Wolfgang von Lamberg Vitzdumb in Crain. Türkenkrieg. Fase. 122.