VJESNIK 20. (ZAGREB, 1918.)

Strana - Sveska 4. - 268

268 IX. Љубљана, 17. Фебруара 1533. Аидрија, Вук u Јосии Ламберг иишу Ивану Пихлеру u иозивају га na договор у cmeapu пасељења Срба ускока на иограначиом иусшом земљишшу. Als die kn. Mt. Beuelch hat aussgen lassen der Herubergeuallnen mit den Phandtschafftern, so oed Grünt haben, zu handl, damit sy die Herubergefallnen aingesezt werden, darauf hat man zu Furderung solicher Handlung dise Brief wie hernachvolgt aussgeschriben. Edler, gestrennger.Herr Verwalter vnnd sonnder lieber Freundt. Euch sein vnnser freundtlich vnnd willig Diennst zuuor. Wir fuegen euch zu uernemen, das vnns die romisch, zu Hungern vnnd Behaim kn. Mt. vnnser allergenedigister Herr, neben andern Comissarien beuolchen haben der Herubergefallnen auss Zaigung der Grünt vnnd irer Vnnderhaltung halben mit euch vnnd anndern Pfanndtschafftern auch den Lanndleuten, so oed Grundt haben, damit dieselben Herubergefallnen in Bedenkhung irer eerlichen vnnd riterlichen Wollhaltung, das auch die •in khunfftig Zeit zu notturfftiger Gegenwher der Granitzen sich erhalten vnnd bleiben mugen ze han ndl. Darauf sein wir entslossen vnnd haben etlich Pfanndtschaffter, der wir zu solicher Hanndlung noturfftig den Montag nach dem Sonntag Reminiscere in der Vasstn schierist beschriben vnnd eruordert. Begern hierauf von hochgedachter röm. "kn. Mt. wegen vnnser Person halben freundtlich bitund, das ir als massen auf solichen Tag gvvislich hie ankhombt vnnd zu Nacht in der Herberg seit, so wellen wir alsdann am Erchtag darnach die Handlung verrichten. Deshalben will von nötten sein, das ir den Herubergesprungnen, souil der in vnder Crain sein, antzaigt, das sy zwo oder drey Person aus innen erkhiessen die Gwalt haben, von irer aller wegen von vnns Handlung anzunemen; die auch an solichen Tag hie sein sollen. In stattlicher Volziehung derselben Handlung ist auch ain Noturfft, das Wir ain Wissen haben, wieuill oed Grunde vngeuerlich in ainem yeden der hererforderten Phanntschaffter gericht, wieuill auch der Herubergefallnen, die noch nit vnderpracht worn sein. Deshalben wellet euch der oeden Grünt halben erkhundigen, was zu eurm Phanndtschilling gehörig, auch was fur Lanndsleut in eurn Gericht oed Grünt heten vnnd wieuill man der Herubergefallnen daselbsthin vnderbringen mächt. Auf benennten! Tag mit euch bringen vnnd vnns in Schrifft zue stellen, damit wir alsdann sambt euch allem Wesen nach desstattlicher Handlung furnemen mugen. Das wellen wir gern freundtlich vmb euch verdiennen. Datum Laibach, den XVII Tag Februari anno etc. im XXXIII.