VJESNIK 20. (ZAGREB, 1918.)

Strana - Sveska 4. - 266

266 Vnbezalung seiner vndergebnen Flekhen anzaigt vnnd vmb gnadigiste Fursechung bit. Also lautund: Allergenedigister Herr etc. E. kn. Mt. haben auf vnns vnnd den wolgebornnen Herrn Niclasen Freiherrn vom Thum vnnd zum Kreuz Beuelch ausgeen lassen, mit E. kn. Mt. Phanndschafftern vnnd Phlegern auch den Lanndleuten, so in ditz Lannds Grannzen oed Grund haben, ze hanndien, die so auss Wossen zu E. kn. Mt. herubergefallen auf dieselben oeden Grundt vnderzebringen, mit dysem Anhang, das sy sechs Jar Zins vnnd anderer Diennstparkhait frey sein, aber nach Aussgang derselb Jar sollen sy iren Grundtherrn ain Zinsl geben. Haben wir merer Inhalt* vernomen vnnd als wir die Handlung fur die Hannd genomen, befinden wir dise Fursorg .dasz villeicht die Lanndtleut aus Erfarnhait vor ergangner Handlung soliches schwärlich annemben vnnd waigern mechten, aus Vrsachen, das sy nach Aussganng der sechs Jahr irer Zinss gewiss sein wolten. Souer dan E. kn. Mt. dieselben Herubergeuallnen nach den sechs Jaren weiter vnnd mit merer Freihalten begnadeten, wurde innen beschwarlich vnnd sy dahin nit woll zu bewegen sein, solicher Aigenthumben vnnd Grünten zu geratten, wie woll innen soliches die sechs Jar auch beschwarlich gnueg sein möcht. Darumben wir geraten deuchten, das E. kn. Mt. zu furderlicher Volzichung solicher Hanndlung Beuelch auf vnns aussgen Hessen, der sich auf dise vnnser Instruction lendet, wo wir laut der beruerten Instruction nit zue lenden möchten, das wir sy von E. kn. Mt. wegen vertrössten möchten, aindweders ires Zinss wie vorsteet nach den sechs Jaren gewiss sein oder wo sy E. kn. Mt. solicher irer Grundt halben mit ainem Khauff oder geburlichen Ausswechsl vergnuegen wolten. Auf ain solichen Weg verhofften wir die Säch auf E. Mt. Beuelch aussgericht, sonnst wo E. Mt. soliches nit dermalen ze handn beuolhen, besorgen wir wenig furtraglichs vnnd nutzlichs hierin ze hanndln. Vnns deucht auch geraten sein, das E. kn. Mt. Herrn Hannsen Puchler als Verwalter der Obristen Veldhaubtmanschafft beuelchen neben vnnser, als der mit den Leuten vill ze th'uen gehabt vnnd noch hat, das wird zu furderlicher Handlung vnd Aussrichtung diennstlich sein. Als jungist beruerter Herr Niclass vonn Thum E. kn. Mt. als gemainer Lanndschafft in Crain Gesanter abgeuertigt vnnd ime E. kn. Mt. vnder andern beuolchen, solichen Herubergeuallnen Leuten bis in di aintausent Gulden Thuech vnnd Gellt aufzebringen vnnd dieselben Bartholomey Schierist khumend vom Gefell des neuen Aufschlags zu entrichten. Derselb Beuelch ist bisher durch E. kn. Mt. an E. Mt. Aufschlager in Crain (wie vnns der gedachter Herr Niclas bericht) nit aussgangen. Der Vrsach wir Fürsorg tragen, Herr Niclas möcht dieselben aintausent Gulden ausser desselben Bevelch sich nit vndersteen aufzebringen vnnd weill dann hierin nit ze feiern, dan yezt so der