VJESNIK 20. (ZAGREB, 1918.)

Strana - Sveska 4. - 259

259 yV\esens, Sterkhe vnnd annders Erinnderung hetten beweisen vnd solichs mit Begier ze thun understeen wurden etc. So wir dann solich Vrsachen vnnd sonnderlich den Nachtail vnnd Schaden, der vnns vnd vnsern Lannden vnnd Lewten bestumbtermassen begegnen vnnd zuegefuegt werden möchte, gleicherweise genedigclich erwegen vnnd bedacht. Haben wir durch obbestimbt vnnser Comissarien mit etlichen vnnsern Lanndleuten vnnd Phanndschafftern vmb Grund, darauf die gedachten enntsprungen Turkhen ir Wonung suecheir haben vnnd sich niderthun möchten, hanndien ze lassen furgenomen vnnd sollen demnach bemellt vnnser Comissari mit vnnsern Phlegern vnnd Phanndtschafftern Haubtman zu Adlsperg, Phleger zu Premb, Guetenegg, Laass, Polan, Costall, Maichau, Hawbtman in der Mötling vnnd mit allen vnnsern ' Lanndleuten, so in derselben Reffier vnnd Ortten vnbesezte Gueter haben mit Erzellung vnnd Einbildung obangezaigten vnd anndern dienstlichen Vrsachen alles muglichen Vleiss hanndien vnnd sy dahin bewegen vnd bringen, dass sy den gedachten Turggn nemlich die Lanndleut auf iren aignen vnnd die Phandschaffter vnnd Phleger auf vnnsern vnbesezten Guettern vnd Grundtn, wo dieselben in bestimbter Gegennt sein werden, wie die gedacht vnnser Comissary aus irem selbst Wissen vnnd verrer Erkundigung anzaigen vnnd von vnnsern wegen begeren werden, vorgnumen vnnd zue lassen mit iren Weib vnnd Kindern darauf zu wonen, nider ze thun, ze paun vnnd gennzlich ir Ennthaltung suechen mugen. Solichergestallt das angeregte Zuelassung vnd Bewilligung auf sechs Jar lanng, die nechsten nach einander volgennden, gestellt vnnd in der Zeit derselben sechs Jare an sy kain Zins oder annder Dienstperkhait eruordert, genomen oder in annder Wege beswert werde, aber nach Verscheinung der bestumbten sechs Jare sollen die vermellten enntsprunngnen Turggen ain Zinsle, als von zehen oder zwelff Kreuzern Werdt oder Gellt zu Erkantnus der Grund Oberkhait ze geben gewisen vnnd gehanndlt vnnd also mit guetem Fueg zu mererer Diennstperkhait gepracht werden vnnd sonnst gedachten Phlegern vnnd Phanndtschafftern in annder Wege geburliche Gehorsam laisten vnnd fur ir Oberigkhait erkhenen. Mit verrer vnnserer Comissarü Vermeidung vnd Antzaigen dieweil solich vnnser Begem nit allain vnns sonnder vnnsern Lannden vnd Leuten vnnd maisstaills inen selbst zu Nutz,-Guetem vnnd Rettung des irigen gestellt ist, wie sy des selbst abnemen vnnd erachten mugen, sy werden dasselb on all Waigerung gehorsamlich vnnd vnnderthenigclich bewilligen vnnd zuegeben vnnd sich selbst vor Nachtaill vnnd Verderben, so aus der Turggen Abfall, vVie obsteet, gevvislich eruolgt, verhuetten, zusambt das kain Zweifel, sonnder annder Turggen werden Vrsach nemen, sich herüber ze thun vnnd zu Beschützung vnnser Lannd vnnd Lewt in massen die gethon auch hanndeln vnnd so also vnnser Comissarü vnnser Lannd-