VJESNIK 20. (ZAGREB, 1918.)

Strana - Sveska 4. - 260

260 leut vnnd Phanndtschaffter als wir nit zweifeln wellen, in Willigung angeregts vnnsers billichen vnnd notwendigen Begern gebracht. Dann so sollen dieselben vnnser Comissarü mit den enntsprungnen Turggen oder iren Hawbtleuten vnnd Vorgeern, wie sy des am pessten ansiecht, hanndeln vnnd inen anzaigen, dass wir sy bestimbtermassen mit iren Weib vnnd Khynndern vnd irem Guete auf etlichen Grundten so die Comissarü inen austaillt anzaigen. sollen, sechs Jar lanng aller Zinsung vnnd Diennstperkhait frey wonen, niderthun vnnd ir Ennthaltung haben lassen wollten, doch nach Verscheinung der sechs Jare dass sy sich allain mit ainem klainen vnbeswerlichem Zinsle zu Erkantnus der Grundt Obrigkhait erzaigen, auch sonnst Gehorsam wie pillich ist laissten vnnd diejhenigen, darundter sy also sitzen, fur ir Oberkhait Ehern erkennen vnnd hallten solltn, mit Vermeidung, wo sy sich dennassen on allen Zinss vnd Dienstperkhait niderthun, dass sy ir Ennthalltung zimlicherweise wol haben mugen, so wollten wir auch inen, wo sich widerden * Veindt im Lannde vnnd sonnderlich in vnssern Dienstten Zug zue truegen yederzeit genedigist bedennkhen vnnd sy nebn anndern in vnnser Diennste vnnd Besoldung nemen vnd gebrauchen, versehennlich sy werden also diser vnnser genedigistn Fursehung vnnd Verordnung ir Wonungen vnd der Vertrosstung der khunfftigen Diennst halben vnnderthenigclich zefriden sein vnnd sich hierüber beweisen vnnd erzaigen, wie eerlichen Leutten zuesteet vnnd sy desselben bisher beruembdt vnnd darnach gehanndlt haben. Es sollen auch vnnser Comissary mit den tapferissten vnd ansehennlichisten aus inen sonnderlich den kriegsgeuebten vnd erfarnen aus inen, die sy darfur erkhennen werden, auf ain järüch Diennstgellt nach Gelegennhait der Person vnnd wie sy fur guet ansiecht, hanndien. Welch Diennstgellt wir inen also vberraichen vnnd bezallen lassen wollen, damit sollichergestallt die gedachten enntsprungnen Turggen in vnnsern Dienstn vnnd Gehorsam. beleiben, der Nachtaill so iren halben zu besorgen gewesst wäre

> furkumen vnnd dasjhenig, so vnnsern Lannden vnnd Leuten zu guetem kumbt, wider die Veindt durch sy nicht weniger ausgericht vnnd gehanndelt werde vnnd in solchem allem, weil mit wenig daran gelegen ist, sollen vnnser Comissarü kain mugliche oder vleissige Hanndlung vnnderlassen, wie wir zu inen nit zweifeln. Vnnd sy thun daran vnnsern enntlichen Willen vnnd geuellige Mainung. Geben in vnser Stat Ynnsprugg am funfvnndzwainzigisten Tag Januaru, anno im drewnnddreissigisten, unserer Reiche des römischen im dritten vnnd der anndern im sibenden. Ferdinand. , G uojba uuvie: Instruction auf Herrn Niclasen vom Turn, Andreen, Wolfgang vnd Josephn von Lamberg.der herumbgeuallen Turggen halbn, Opudimaji, Fase. 123.