VJESNIK 18. (ZAGREB, 1916.)
Strana - SVESKA 1 - 22
22 Orig. perg. (šir. 17 cm, vis. 39'5 cm) v Drzavnem arhivu na Dunaju (repertorij 3). (Signum notaru). In Christi nomine amen. Anno nativitatis eiusdem millesimö trecentesimo sexagesimo, indictione terciadecima, die decimo mensis decembris intrantis. Actum Parencio in ecclesia cathedrali; presentibus testibus vocatis et rogatis domino presbitero Donato canonico Parentino, domino Bonaparte de Bononia habitatore Parencio, ser Artelippo de Parencio et aliis multis. Quoniam labilis est memoria hominum et incertus mun dane fragilitatis eventus, dignum equidem fuit et consonum rationi, ut que geruntur in tempore comendentur memorie scripturarum, ne valeant ex discursu temporis oblivisci. Hine est, quod huius publici instrumenti testimonio declaratur, quod in prefatis millesimö indictione el a) die et loco et testibus antedictis presentibus, accedentes ad presentiam reverendi in Christo patris et domini domini fratris Johannis dei et apostolice sedis gracia episcopi Parentini nobiles et discreti viri Johannes et Voxalchus, filii condam domini b ) Maynardi olim domini Henrici honorabilis militis de Pisino, nomine eorum proprio et nomine aliorum suorum fratrum, videlicet Henrici, Conradi et Engnardi, ac eciam nomine Conradi et Ottonis filiorum condam ser Ottonis nepotis olim domini Henrici militis antedicti, ac eciam Antonius filius condam ser Guidonis condam dicti domini Henrici militis, nomine suo proprio coram ipso domino episcopo ter flexis genibus instanter instancius ac instantissime cum omni reverencia et subietione humiliter supplicaverunt eidem, quatenus ex sua solita benignitate dignaretur et vellet eosdem postulantes pro se et nominibus quibus supra et pro eorum et cuiuslibet ipsorum filiis et heredibus masculis ex eisdem dumtaxat aut eorum aliquo legittime descendentibus benignius investire de feudis piscariarum et portus de Valle Turris infrascriptis prefatos, videlicet Johannem et Voxalchum et Antonium nominibus quibus supra de parte eis et eorum cuilibet pertinente de feudo condam ser Henrici dicti Laydar filii olim dicti domini Henrici militis de Pisino, qui ser Laydar sine Iiberis transmigravit, et ipsos Johannem et Voxalchum nominibus suis propriis et dictorum suorum fratrum de feudo condam dicti sui patris domini Maynardi, et nomine et vice dictorum Conradi et Ottonis de feudo condam dicti sui patris ser Ottonis, que feuda tenebant et cognoscebant olim ab ecclesia Parentina prenominata prefati domini de Pisino, et de omni alio feudo quod [habu]erunt c) hactenus et tenuerunt domini de Pisino seu dominus de Pisino a prefata ecclesia Parentina in dicta Valle Turris Parentine diocesis, videlicet quemlibet ipsorum pro parte sibi contingente nominibus antedictis et ipsos nominibus prelibatis de dicto feudo seu de dictis feudis cum omnibus iuribus actionibus et iurisdicionibus ipsorum feudorum legittime confirmare. Qui dominus episcopus audita et intellecta petitione predicta,
