VJESNIK 14. (ZAGREB, 1912)
Strana - 111
111 berse bi sze kakova neszrecha pripetila, tak szproti szam vu persone y zveksinum lyucztva tamo doiti, ter z razlosnem nachinom lyucztvo na branyenye opominati y priganyati dusni jeszu. Nadalye za preprechiti vszu pripechenyu ognya priliku szudecz szelszki y sz panduri szvojemi vszaki meszecz najmenye jeden put po szvojem szellu vszaku hisu y pri nye dimnyake y ognyischa naj visitera, y marlivo Goszpodariczam y Goszpodarom vszaki tyeden vu szobotu dimnyake z motikami ohariti y zmesti zapove; y akolibi koju, ali kojega vu tom poszlu lenoga y nemarlivoga vpamet vzel, tak najpervich oštro mu sze zagroziti, zatem pak z prikladnem nachinom y kastiguvati takovoga mora. gmich Neznane y suspect vu monduri, ali libereju potepajucheh ter sz passussi neobskrbleneh obodvojega szpola lyudih vu szellah y hisah zadersavati sze naj nepuszti, nego videvssi nyihovo sivlenye vu Zagreb posztavi, kak tulikaisse bogczev sztranszkeh vu szello priemat y po nyem klatech zadersavati sze nedopuscha, nego vszako szello szvojega bogcza koj drugach siveti nemore naj zdersava y hrani. Pripecha sze tulikajsse vech puti, da y senszke glave, najmre noszeche, od szella do szella vuhajati navadne szu ; dapache y vdomacheh szella sze nahajaju takove, koje sziromaske y mlohave negda hotomcze, negda pritruczane neszlobodnem zakonom deczu zanosze; akolibi koju takovu szudecz szellszki gdegod vpamet vzel, tak na nyu szam y domacha drusina naj marlivu szkerb imaju, da nebi zbog bojazlivozti kastige, ali dete pogubila, ali szama szebe y porodu naškoditi sze tersila; kada pako takove vreme poroda doide, ter koja morebit za szebe potrebno okreplenye sztroska nebi zmogla, tak takove najmre zvunszke poleg szvetloga Orszagov oveh Consiliuma, y preszvetle Kralicze odregyenya iz lyubavi kerschanszke mora sze obchinszkem nachinom za potrebna na sivlenye y dvorbu media do te dobe preszkerbeti, doklam vreme navadno dosztoi y objachi sze, da potlam onomu od kojega je kakovo dobrochinsztvo priela szlusbum szvojum dvorbu zaszlusiti bude mogla; kaj sze pako dosztoi kastige takove senszke glave, ona sze muške glave na koju krivnya pade, y to po duhovnom pasztiru a ne po fare, ali obchine, zavdati mora bolye, nego takove mlohave y gingave senszke glave, zvun dabi sze ochiveszta vech puti hmanyicza vu nye znahajala, kojoj nistar manye pobolsanye sivlenya, y prilik takoveh habanye pod oštru kastigu preporuchiti sze mora. çtich Ne szamo szella ali fare nego tulikajsse vnogi Orszagi vre doszta kvara od kuge marsseche preterpeli szu, zato dabi sze znovich (sta nas Bog milosztivno oszlobodi) kaj takovoga pochulo, tak onda taki szudecz szellszki presz stentanya vu takovo szello k hise posztaviti sze ima, y onde najpervich za zrok vparnyenoga marsseta zezvedati, ter akoli je kakova vu kervi, jeziku, sztaje, pilissu, y jelissu naturalszka falinga, onda nyu po lyudeh obznaniti y pobolsati naj vuchini. Akoli pak izdraven kusna znamenya vu marhe bi sze nahajala, tak onda marhu kusnu, y vre morebit natepenu naj pervich od druge zdrave zevszema razluchiti, betesnu pako znanemi vrachtvi marlivo vrachiti naj vuchini; koja nistar manye marha vre je poginula, sz takove taki szproti po domachem kojem god drusinchetu, ali isztom hisnom goszpodaru kosu dole vzeti, drugo pako meszo zevszem szkupa vzemlyu dobro gluboko zakopati naj zapove. Akoli pako koj mus kosu dole vzeti nebi hotel zbog gizde ali špota,