VJESNIK 12. (ZAGREB, 1910.)

Strana - 6

6 ir die berurt des Nemanickh phlicht vermeint vnnd fur ain schein, glubd oder phlicht achten, dass ir demselben nach vnnsern diser Sachen vor verordenten comissarien Hannsen Apfaltrer, Hannsen Hofer vnd Jorgen Newhauser vnnsern haubtleuten geschriben vnnd anstat vnnser beuolhen, dass sy vnangesehen des phlegers zu Adelsperg gethan phlicht mit hanndlung vnnd einziehung weilennd graf Cristoffen von Frangepan guetern zu den geslössern gehörig, nach innhalt vnd vermugen derselben vnnser inen gegeben instruction vnnd beuelh strackhs verfaren vnnd sich darann nichts irren vnnd verhindern lassen, darob wir guts gefallen tragen vnnd fuegen euch darauf weiter zu anntwurt. das graf Bernhardin von Frangepan seiner gesanndten ainen alhie gehabt vnd an vnns werben vnnd begern lassen, im die zway geslosser Adlsperg vnnd Newhauss zu lassen. Auf solhes wir ime zu erkennen gegeben, das wir euch vnnd vnnser chamer der niederösterreichischen lannde beuolhen haben, solhe slosser von vnnsern wegen einzenemen, das er demnach dieselben euch zu vnnsern hannden abtrette. Das wolten wir euch auf obbemelt ewr schreiben onangezaigt nicht lassen vnnd ir wist numals deshalben, darinn wol Ordnung zu geben, das dem gelebt nachkomen vnnd die slösser wider in vnnser hannd komen vnnd geantwurt werden vnnd ir thuet daran vnser ernnstliche mainung. Geben zu Stuelweissenburg am XIIII tag nouembris anno im XXVII. vnnserer reiche des hungerischen im ersten vnnd behamischen im annderen. Ferdinandus. A ter go: [Den edlen, ersamen, gelerten vnd vnsern lieben getrewen vnnserm Statthalter, regenten vnd reten vnsers régiments vnnserer niederösterreichischen lande. Wien, VII.. Beč, 21. novembra 1527. Dvorska komora nalaže ratnom savetu u Frijauht, da bez odlaganja preuzme u svoje ruke gradove Adelsberg i Najhaus, ako ih ne preda svojevoljno grof Bernardin Frankapan u ruke Nikole Jurišića. Vnnser freunntlich diennst in guetem willen zuuor. Lieb freunndt. Die kn. mt. zu Hungern vnd Behaim vnnser genedigister herr hat vnns auf vnnser schreiben vnd vndterricht, so wir ir mt. von wegen der slösser Adlsperg vnd Neuhauss getan, jetzo bericht vnd angetzaigt, wie graff Wernnhardin von Franngepan ainen gesanndtn von wegen derselben slösser Adlsperg vnd Newhauss bei irer mt. gehabt vnd an dieselb werben vnd begern lassen, ime solh slösser zu uergunnen. Darauf ime ir kn. mt. zu erkennen geben, das ir mt. vnns vnd derselben camer der niederösterreichischen lannde beuolhen habe, die be-