VJESNIK 12. (ZAGREB, 1910.)

Strana - 7

7 meltn slösser von irer mt. wegen einzenemen, das er demnach dieselben vnns zu irer mt. hannden abtrette. Darauf ist in namen hochgedachter kn. mt. vnnser beuelh, das ir hierinnen furderlichen nach innhallt der vorgegeben instruction mit einziechung der berurtn slösser, on weiter waigerung, verfaret vnd was auch also in einziechung der gueter begegnnet, dasselb vnns furderlichen vnnd onnerzug in schrifft berichtet. Vnd dieweil gedachter graf Wernnhardin sich gegen kn. mt. rat vnd haubtman an den krawatischen grenitzen wider die Turgkhn herrn Niclasen Jurischitz erboten, ime die slösser biss auf kn. mt. beschaidt zu* hannden ze stellen Souerr aber solhs noch nicht beschehen, das ir dann mit sein des Jurischitz rat vnd guetbedunkhen in einziechung der slösser hanndlet vnd ime der kn. mt. obbegriffen abschiedt, den ir mt. gedachtem grafen der berurtn zvvaier slösser halben gegeben, verkhunndet. Das wollten wir euch freuntlicher gueter mainung nicht verhallten vnd ir tut daran der kn. mt. mainung vnd gefallen. Datum Wien am 21. tag nouembris, anno d. 1527. Von stathalter, regennten vnd camer rate. An die verordente kriegsrät in Friaul. VIII. Gorica, 26. novembra 1527. Kapetani Ivan Hofer i Grgur od Najhausa javljaju kralju, da je grof Bernardin Frankapan predao gradove Adelsberg i Najhaus u ruke Nikole Jurisića. Durchleuchtigister, grossmechtigister khunig, genedigister her. E. khn. mt. sein vnser gehorsam vnd schuldig dienst mit aller vnder thenigkheit zuuor. Nachdem vnns eur khn. mt. abermalss beuelchenn vnd aufgelegt, dass wir vnangesehenn dess Thomasen Nemanig phleger zu Adelsperg phlicht vnd eintziehung weilendt graff Cristoffenn von Frangepan guetter, zw den schlossern Adelsperg vnd Newhauss gehörig, nach inhalt e. khn. mt. instruction gestrags verfarenn sollenn, dieweill aber e. khn. mt. radt vnd obrister velthaubtman in Crabatten her Niclass Jurischitz mitlerzeit die gedacht besetzungen eingenumen hatt, desshalbenn wir vnderthenigkhlich eur khn. mt. beuelch nach, dem gedachtenn herrn Niclasenn gesćhribenn vnd sollech hewser von e. khn. mt. wegen von im erfordert, laut hierinn verschlossner copeien. Auf solechs hatt er vnss disse peyligennde geschrifftliche antburdt thann. Dieweill aber der mergedacht herr Niclass Jurischitz mich Hansenn Hoffer in seinem schreibenn ermandt, also dass ich mit dem wolgebornen grauenn Bernhardin von Frangepain die sachenn in massen