VJESNIK 12. (ZAGREB, 1910.)

Strana - 5

5. vnd hanndlung halben mit den phlegern zu Adelsperg, Neuhauss und Tersat von wegen abtrettung derselben gethan vnd furgenomen, auch welhermassen ir zwen aus eurem mitl zu graf Wernnhardin von Frangepan geschickht mit merer innhallt, sambt des phleger daselbst zu Adelsperg schrifftlichem erbieten nach lenngs verstannden vnd darinn euren vleiss, darob wir in namen kn. mt. guet gefallen tragen, befunden. Auch dasselb eur schreiben der kn. mt. auf die posst zuegeschickht vnd darüber vnnserm vnd eurem antzaigen nach verrer beschaids begert vnnd was vns hierauf zu anntwort vnd beschaid erfolgt, das wellen wir euch aufs furderlichist zu wissen machen. Vnnd ist demnach in namen hochgedachter kn. mt. vnnser genedigisten herrn vnnser beuelh, das ir vnns obbestimmben gesandten rellation, so sy; euch ir aussrichtung von bemelltem grafen anzaigen werden, onuertzug in schafft belichtet vnd nicht desstmynder auf fueglich weeg vnd mitl beratschlaget vnd gedennkhet, ob mitlerzeit die obbestimbten flegkhen vnd slosser zu kn. mt. hannden gebracht oder so die phleger ainicherlei hanndlung, wie in eurem schreiben vermeldet, sich vnndersteen vnd dieselben betretten vnd erobert werden mechten, damit ir die von stundan annemen vnd biss auf kn. mt. oder vnnserm weitern beuelh vnd beschaid bewarlichen halten vnd inen in iren hanndlung vnd furnemen souil muglich Verhinderung vnd widerstanndt thuen lasset und in allem khainen vleiss sparet. Geben Wien, am 12 tag novembris anno im XXVII. Stathalter, regennten vnd camerrate. An die verordenten kriegsrat in Friaul. VI. Stoni Beograd, 14. novembra 1527. Kralj Ferdinand javlja austrijskoj vladi, da je odbio potraživanje i molbu grofa Bernardina Frankapana u stvari daljeg uživanja poseda Adelsberga i Najhausa te nalaže, da ista što pre uzme rečeni posed u svoje ruke. Ferdinand von gots gnaden zu Hungern vnd Behaim etc. khunig, infant in Hispanien, ertzherzog zu Osterreich, hertzog zu Burgundt etc. Edl, ersam, gelert vnd lieb getrewen. Wir haben ewr schreiben, des datum zu Wienn am funfften tag ditz monets vnns gethan, das euch von vnnserm rat, landsuerweser in Chrain vnnd getrewen lieben Josephen von Lamberg ain schreiben sambt abschrifft der glubd, so der phleger zu Adlsperg Thomasch Nemanickh Heinrichen von Ellach vnserm phleger zu Senesetscha, anstat gedachts von Lamberg zu hannden vnnser gethan, zuekomen, sambt den copeyen dauon emphanngen vnnd irer innhalt verstannden vnnd als ir darinn ferrer antzeigt, nachdem