VJESNIK 12. (ZAGREB, 1910.)

Strana - 225

225 Welches, als dis herr Orator bericht worden, erzürnet, die Khöpf nehmen vnd in desselben Weida Haus vber die Planckhen werffen, auch sich dessen bey den Ahmed Chiaia zum höchsten beschweren lassen mit anzaigung, wisse nit wie er solches verstehen mueste, das ime der Rauber vnnd Mördter Khöpf zu seinem despect für sein gesicht geworffen wordten, welche doch kheine Khriegs noch ehrliche leuth, sondern Rauber vnd Mörder gewesen, vnnd so sich solches gebüre khundt er auch wol, wann ein türggischer Gesantter zu vnnsz hinausz khombt, einen zwayen raubern ire Khöpf abhauenn vnnd im für die füesse werffen lassen. Darüber sich der Chiaia entschuldigt, (fol. 157 a.) wisse daruon nichts vnnd sey ohn sein beuelch geschehen, auch sich erzürnet, den gemelten Weida erfordert vnnd befragt, aus was vrsachen er solches gethan oder thun lassen. Demnach sich aber der Weida aufs höchst entschuldigt, dasz dies ohn sein wissen vnnd beuelch geschehen, hat der Chiaia beuolchen, dasz man dem Diener, der die Khöpf in des herrn Oratorn Hoff fürs hausz getragen vnnd hinein geworffen, 500 streich mit Prügl an dem orth, wo er die Khöpf hingeworffen, in desz herrn Oratorn Angesicht geben soll, welches auch gescheher, doch herr Orator ihme nit mehr als etlich 70 geben lassen, vnnd auf die Türggen, so ihme geschlagen, geschrien dasz sy aufhören sollen. Den 22. Decembris ist herr Orator zu Griechischweissenburg zwo stundt vor Tags vidervmb aufgebrochen vnnd weil diszmahl die Pruggen vber den Fluss Saw, soweit die Schiffpruckhen geraicht, abgetragen gewest, hat man mit dem Vberfahren schier bis Mittag zuegebracht, vnnd also diesen Tag weiter nit als auf Percho,

1 ein schlecht Palanka vnd schlecht Dorff, darbey ein Carauasaria, khomen. Aida herr Orator mit allen seinen Leuthen vnnd Rossen in gemelter Carauasaria, darinnen auch die Türggen mit iren Rossen losiert, sich behelffen müessen. 2 Meil. Diesen ganzen Tag sehr geschneiet. Den 23. Decembris ist man viderumb vor Tags auf gewesen vnnd vmb Mittag auf Mittrowiz, ein grosser fleckhen vnnd Dorff an der Sau (fol. 157 b.) gelegen, da zur Zeit der Römer Syrmium ein Statt gestandten vnnd sy ihre Legiones aida gehalten, vnnd dieser Tractus zwischen dem Flusz Sau vnnd der Trag vonn den Vngern hernach Syrmium vnnd Conuentus Syrmiensis genant worden. Ist gar ein schön eben fruchtbar Landt, dieser Zeit aber wenig erbauet, vnnd sonderlich zu vnnsern Zeitten erst durch die langwührige Khriegen vast verwüest vnd verödet wordten. Der herr Orator in einem schlechten Hausz, das aber bey inen vast das fürnembste gewest, losiert worden. 3 Meil. 1 Danas Prhovo.