VJESNIK 12. (ZAGREB, 1910.)

Strana - 226

Den 24. Decembris haben wier ein grosse Tagreis gethan vnnd auf des Ahmet Chiai, vnnsers Commissari biszher, Tymar vnd Gueth, ein gross Dorf kkommen. Nemeti

1 genant. 7 Meil. Aida den heiligen Tag Natiuitatis Christi vnnd S. Stephani den 25. vnnd 26. dits der herr Orator stül gelegen vnnd gemelter Chiai den Herrn Oratorn sambt vnns zimblich wol tractiert. Den 27. dits sein wir aida bey m Tag hinweg vnnd auf Walkowar,

2 aida wier auch am herabfahren losiert, khomen. 3 Meil. Den 28. dits sein wier widervmb zeitlich auf gewesen vnnd auf Essek die Statt khomen. Dieses Essek ist vor Zeitten, wie die Historien geben, vnd noch woW/fol. 158 a.) zu sehen, ein feines ansehenliches vnnd wegen des Wassers Trag, daran es gelegen, ein zimblich vestes Stättl gewesen, wie es dan noch mit seinen Ringmauern zum Thail vmbfangen, aber an vielen Orthen vast ruiniert, vnnd nur mit vngrischer Pallanka repariert. Aussen herumb hat es ein zimblichen grossen Markh, auch mit einer Pallanka versehen, aida Wein vnnd allerley andere Victualien wol fail, wie dan hierumb ein schön wol gebauttes Landt. Diese Statt ist auch von des Kazianer schendtlichen Flucht, der des Khönig Ferdinandi in Hungern Obrister gewest, vnnd dis Essek mit einem vornehmen Teutschen Khriegsvolckh belegert, aber daselb bey Nächtlicher weil verlassen vnd dauon geflohen, in den Historien beriembt wordten. Aida Ir gnaden in eines fürnehmen Türggen hausz nach türggischer Arth zimblich wol losiert gewesen. Daher 3 Meill. Den 29. Decembris sein wier zu Essekh gleichwol zimblich frue aufgewesen, aber weil die Pruggen daselbst vber die Trag, soweit der Flusz sich erstreckht, bereit abgetragen gewesen, haben wier mit dem Vberfahren bis vast auf den Mittag zuebringen muessen. Aida ist ein lange Pruggen nit allein vber den Flusz, so nit gar breit, sondernn wegen Auszlauffung desselben zu Zeitten vnnd vber so langen Marasst, dergleichen weder in Hungern noch Teutschlandt zu finden vnnd auff 12.000 gutter Schritt oder ein starckhe teutscher Meil sich erstreckht, alle auf Paumen geschlagen, doch nit viel vber ein Claffter hoch. Alszdann auf ein schlechte Palanka Warongawar

3 komen. 3 Meil. Descriptio Loci. Priopćio dr. Bojničić. 1 Danas Njemci, 2 Vukovo (Vukovar). a Baranyavâr.