VJESNIK 12. (ZAGREB, 1910.)

Strana - 221

221 da man ausbündigen schöne Pfertt vnd fürtrefliche schnelle lauffer gesehen. Die Reitter heten maist gar weitte lange rotte hossen bisz auf die Schueh, in den henden zimbliche lange Steckhen, anstatt der Tärti, damit einer dem andern nachrendt vnd aufeinander würffen, der Bassa rennet auch selbsten mit, vnnd im ersten rann auf einem Türggen, dem er den Pundt vom Khopf mit dem Steckhen geworffen vnd ist drey mal auf frische Rossz gesessen. Den 29. Julij hat ain Junger von Minquiz, desen auch oben gedacht, vnnd etlichmat zum Herrn Oratorn khommen vnnd bey ime gessen, so vor Stuel Weissenburg vnder des füersten von Anhalt Regiment gelangen worden, biszher offt verkhauft vnd yetzo einem türggischen Aga für einen Laggey gedienert, auszreissen wollen vnd sich in der Statt alhie bey zwey Tagen verhaltten, aber widervmb verrathen vnd in die Eysen geschlagen wordten. Wie es im weitter ergangen, waisz Gott, ist von seinem Herrn ainem andern Türggen verkaufft wordten, der in vber das Meer geführth. Den 30. Julij herr Orator den Serdar vor mittag wider besucht, von ime vrlaub genohmen vnnd sonst wegen der Rays nach Constantinopel mit ime allerley geredt. (Fol. 48 b.J Den 31. Julij haben Ihr gnaden zween arme gefangene mit nahmen Georg Vischer vnnd Philip Jacob Damang für ein Hotschi oder Türggischen Pfaffen, auch sein Weib vnnd Khindt, die bey den Dreyssiger zu Raab gefangenn, auszgelöst vnnd mit seinen vorberürten zway Rossen vnnd sonst 23 gefangenen, die ir gnaden ledig gemacht, mit befürderung des Ali Passa Paszbrieff auf dem Wasser aufwerts nach Comorn geschickht. Ehe wier aber von Griechischweissenburg aufgebrochen, ist zu vnnseren Schiffen ain Türggisch Weib khommen, waisz nit von ir selb oder von andern Türggen angewüssen, die den Pänckhel, des herrn Oratoren Härpfenisten, ainen schönen jungen Menschen ohne Pardt, für iren Sohn angesprochen, vnnd das man ir denselben wider zuestellen vnnd geben soll, ganz eifferig vnd starckh begert, auch viel Türggen mit ir gehabt, mit anzeigung, dasz der ir vor siben Jahren, da er noch nit beschnitten wahr, gefangen wordten, sy kenn in aber gar wol. Vnnd da man ir solches widersprach, das vnser die meisten seine Eltern zu Wienn gar wol bekhant, hat sy sich doch gar nit abweisen wollen lassen, ein gross heulen, waynen vnnd geschrey vor dem Schiff angefangen vnnd gar nit hinweg wollen, das schier zu besorgen gewest, die Türggen mechten einen lährmen anheben, den sy vast gemurtt vnnd viel darzue geredt. Sy ist vnnsz auch gar bis in das erste Quartier nachgeuolgt. Den 2. Augusti ist der herr Orator in Gottes nahmen mit allenn (fol. 49 a.) seinen leuthen von Griechischweissenburg vmb 8 Vhr Vor-