VJESNIK 12. (ZAGREB, 1910.)

Strana - 220

220 vnnd Mahomet, der eine sieben, der ander vier Monnat, mit grosser menig Volckh daruor gelegen, dieselb bestürmt vnnd vndergraben, doch vnuerrichter Sachen mit schänden vnnd verlierung viel ires Volckhs abzüehen müessen, bis der Sultan Solimannus, der sighafft türggische Khayser (so zu vnderschidtlichen Jahren sibenmal in Hungern mit grosser macht gezogen, daselb auch, wie es noch ist, der erst bezwungen vnnd nachmals in Hungern in seinem lesten Zug vor der Vestung Siget anno 1566. drey Tag zuvor, ehe die von seinen leuthen eingenohmen worden, gestorben), anno 1521 erobert vnnd eingenohmen, vnnd erst die vorgemeltte lange Pruggen, damit er ime den Weg in Hungern zubereittet, machen lassen. Den 22. Julij hat der herr Orator bey dem Serdar abermalen ein lange Audiens gehabt, darinnen wegen der rays nach Constantinopel vnnd befürderung in vnnserm Sachen daselbst allerley geredt vnnd tractiert worden. Diszmal auch der Bassa aus Bossen vnd der Bassa von Temeswar, so zuuor ein Rebel wider den türggischen Khayser in Asia gewesen, aber sich wider accordiert vnd begnadtet wordten, hieher ankhommen. Den 23. Julij hatt herr Orator bey dem Serdar gebetten vnd erlangt, das man ime alle des türggischen Khaysers gefangene (fol. 47 b,) Christen allda, dem bey 35 Persohnen gewesen, zu sein Schiffen gelassen, die haben ir gnaden alle die hendt khüst vnnd sy inen ein Malzeit vnnd Wein genueg geben lassen. Darunder seint gewesen Teutsche, Wälsche, Franzosen, Vngern, Sibenbürger, Niderlender. Auf den Abendt hat der herr Orator den Serdar widerumb heimbgesucht. Den 24. Julij hat der herr Orator von einem Juden ein arm alt gefangenes Weib sambt iren Khündt, einem Mädl bey siben Jahren, vmb 25 Ducaten auszgelest vnnd ledig gemacht. Eodem der Tefterdar alhie ir gnaden ein gefangenes arm Weib, die er zuuor zuegesagt, geschickht. Den 27. Julij ist vom türggischen Khayser aus Constantinopel ein Capuzi Bassa khommen, der die Resolution gebracht, dasz sowol der Serdar alsz der Ali Passa ein yeder an seinem Orth in Hungern bleiben vnnd an irer Statt mit dem herrn Oratoren ire Chiaia nach Constantinopel schickhen sollen. Den 28. Julij hat der Herr Orator nachmittag den Ali Passa in seinem Zelt, auch den Serdar zweymal haimbgesucht vnnd seines abreisens halben mit inen tractiert, hernach auch bis zu des vorgemelten Bassa von Temeswar Leger oder Zelten, die er im freyen Veldt aufgeschlagen, gefahren, der ir gnaden mit seiner Cauaglaria, so bey hundert Pfertten (fol. 48 a.) oder mehr vnnd in zween hauffen abgethailt gewesen, ein schön lustig Khurzweil gestalt eines Scharmüzel gehalten,