VJESNIK 12. (ZAGREB, 1910.)

Strana - 219

219 Crain, Windischlandt vnnd vnder Vngern fleusst) in die Thonaw feldt, hatt gegen Mitternacht die Thonaw, gegen Abent die Saw, gegen Morgen Mysien oder Seruien, gegen Mittag auf den Perg, welcher von kheiner seitten vberhöcht, ligt ein zimblich vest vnnd gros Schloss nach alter Manier von Maurn vnnd starkhen Thürmen erbauen, vnnd hat ein zimblich tieffen graben, der bey der Maurn hinbey gar hoch hinauf vnnd gefüettert gebaut. Innwendig disz hat es noch ein khlein vnd vest Schloss mit etlichen starckhen Thürmen, eng in einander vnd einem graben, darüber eine Pruggen gehet, vmbfangen. Inwendig aber ist vast khein Wohnung, allein das vnder einer langen hüten, in die zwanzig grosse vnnd souil veldtstückhel, alle von Christenthail in der Schlacht vor Erlaw vnnd änderst woher bekhommen. stehen. In dem grossen Schloss sein zimblich viel Wohnungen, aber alles schlechte heuseil von lehmb gebaudt, wie anderswo in iren Stetten vnd Schlössern. Hat (fol 44 b.) doch am Thor Thum ein feine teutsche schlagende Vhr, wie auch zu Ofen. Vor dem Schloss herausz vor dem graben ligen bey vierzig lautter schöner .grossen Stuckh, von Falckhonen, doppelt Falckhonen, Corthaunen, doppelt Corthaunen, alles Steyerische Stuckh, so man i n abzug vor Canisa aida hinden gelassen, wie die Türggen Selbsten angezaigt, die Wappen vnnd schrifften solches auch auszweisen. Neben dieses Schloss dem Wasser zue ligt die Statt vnnder dem Perg, auch mit einer schlechten Ringmaur vmbfangen vnnd schlechten Wohnungen, wo die Sau vnnd Thonaw zusamen khomen. Vor der Statt heraus hat es ein gar sehr grosse Vorstat, darinnen ein schön gros Khaulhaus, das sy Wesenstein nennen, ist ein lange hoch geweihtes haus wie ein Khirchen, darinnen die Khaufleuth allerley schöne Wahren, gemachte Klaider vnnd anders fayl haben. Hat sonst auch viel langer mit Pretter gedeckhte gässen, darinnen auch allerley Cramer, handtwerckher vnnd sonsten auch allerley fail gefunden wirdt. Es hatt auch wol bey 60 Moscheen oder türggische Khirchen aida, etliche Carauasarien vnnd schöne Pädter, aber durchaus schlechte Wohnungen, das der besten haüser eines aida auszgenohmen. Was gar der fürnemben Türggen heüser, die doch auch nit viel besonder, den schlechten heüsern in der Statt Wienn nit zu vergleichen, aber gar viel gärtten, vnnd schier iedes Hausz einen gartten. Es hat auch etlich Franciszcaner Mönich aida, die ein Capelen vnnd öffentlich iren Gottes Dienst haben, darzue Raguser, Crabaten vnd Vngern khommen. Haben auch die Griechen ir Exercitium Religionis aida. Auch hat es alhie wie vorgemelt ein sehr lange Pruggen vber das Wasser Sau, dergleichen nit pald zufinden, hat vast vier thausendt gemainer Schritt, thails von Schiffen, thails von Päumen geschlagen. (Velika slika Beograda.) (Fol. 47 a.) Diese Statt auch bey den Historicis einen grossen Nahmen bekhommen, weillen zween türggische Khayser als Amurath