VJESNIK 12. (ZAGREB, 1910.)
Strana - 160
160 ment, kasivajući i mećući vse nje parve tištamenti, ke bi kada činila, a ča bude pisano va 'vom, oću da bude tvardo i stanovito va viki. Najprija preporučam dušu moju gnu b(og)u i divi Mariji, a telo moje materi zemlji, i oću da mi se čini saltir prija nego dvignu moje telo van z moje kuće i da se pokopa moje telo v crikvi velikoj v kapeli velikoj meju korami sprida stga sakramenta poli moga sina popa Petra i da mi imaju učinit poštenu službu dan parvi i sedmi i na 40., vse kako je zakon varbanski, i na godišće. I oću da mi imaju činit zvonenji mani let 15 na moje godišće, a momu p. sinu popu Petru li zvonenji let 20 i parvo leto da mu se čini maša od kuventa i s letenijami i ki Lazara, a pokojnomu momu mužu mašu od kuventa leta tri, a tu mašu ima plaćat moja hći Mare, a pokojnomu momu sinu Matiju li mašu od kuventa leti 2 i da tu mašu ima platit moja hći Jelena, a mojej hćeri Luciji li mašu od kuventa leta 2, a tu mašu da ima plaćat moj sin Petar, a one maše, ke sam ja plaćala mojej materi, oću da je imaju plaćat vsi, dokli je budu plaćali moji netjaci, i mojemu ocu zvonenji, a te zvonenja, ke sam ja pustila mani i mojemu p. popu, te pušćam na vse moje dobro, a oću, ča sam pustila te mise, ke imaju plaćat Mare i Jelena i Petar, to njim pušćam za fit i ozivam se od njih kuntenta i plaćena od njih za rečene fiti od kuć. A sada činim moje redi vsu moju obitelj, ča je sin Vicko i Petar i Mare i Jelena i pušćam njim vse moje dobro stabilo i mobilo v gradu i vani grada stabilo i mobilo, da je razdile meju sobu ljubeznivo i da živu s mirom kako prava bratja i da imaju ovaršit vse, kako se zgora udarži. Pak činim moje prokaduri i kumensaduri zgora rečenoga urdina, ki budu providali za moju dušu, a to popa Petra Bolonića, moga netjaka, i popa Pera Harbića i da imata da se ovarše vse zgora rečene službi i zadušini. I oću da me imaju opravit z valkonina i z varta, ki je na Škuljici vse, ča se tribi do dan 40, a za 'no, ča biše dal pokojni moj pop Jeleni v obrovi, ja njoj hvalim, zač sam vazda čula od njega, da je nje na viki. I činih prizvat dobrih i poštenih ljudi, ki budu za svedočastvo na ovom mojem urdini poslidnjem, pop Gržan Brusić i pop Marko Pogoloto i Fra Vicenco Kunadić i Mikula Šulinić i Valić Volarić, sin Ivanov, pred kimi bi štan rečeni tištament i bi pohvaljen po rečenoj tištadurici na dan 8. marča 1649. 29. Tištament popa Jnrja Fugošića. V ime bžje i bžne divi Marije, amen, let Hva rojstva 1645., indicijon 13., na dan 14. pervara, budući v Dobrinji v kući dobra i poštena (muža) redovnika popa Jurja Fugošića. I ta rečeni redovnik, budući nemoćan životom, a pameti i razuma dobra, bojeći se semarti, kako se ima bojati vsaki čk (= človik), ki je rojen, na ov st (= svet), čini prizvat mane nodara, moleći me, da
