VJESNIK 12. (ZAGREB, 1910.)
Strana - 161
161 mu pišem njega poslidnji tištament, kasivajući i mećući doli vse svoje parve tištamenti, ke bi kada činil, a ča bude pisano va 'vom, oću da bude tvardo i stanovito. Najprija preporučam dušu gnu bu, a telo materi zemlji, od kuda je i prišlo. I oću da se pokopa moje tilo v crikvi (v) stm Štipani, a pušćam za grob rečenoj crikvi moju planitu i da mi se čini vijilija i druge službi, kako se pristoji redovnikom. I oću da se da jedna sedmina i jedan obed sada skupa sedminu, a na godišće da se činita dva obeda. Pušćam Franiću, sinu Marice, ženi p. Ivana Uravića, moju kuću i konobu, kadi sada stojim, i sa vsu robu, ka je v njoj, ča je v kući i v konobi, ča ostane od obed. Pušćam li rečenomu zgora Franiću moje selo v Karničkih i vse, ča sela pristoji, ča su zemlje i brajdi i varti i vse, ča se ondi najde, ča je moje. I pušćam mu v polji moj sad i pušćam mu jednoga vola i zlato krav, ko je u Mikuli Uravića. A to mu ja pušćam vse zgora rečeno v ime bžje i za dobri meriti, ke mi je činil i ke mi čini. I oću da se to nima niš prodat, ako ne bi bila potriba za galiju. Ako ne bi imel od svoga tela reda, da se ima prodat i dat v criki ste Marije na dno grada i na poparsak. Pušćam Katarini, ženi Jurja Barnića, mekot na Gostinci i dolac na Studecišćih i kuću na varh grada i jednu pinatu i mekot, ku njoj bih prija dal na srićnih . . . 30. Pop Gržan Bozanić. V ime bžje i bžne divi Marije, amen, let Hva rojstva 1645., indicijon 13., na dan 17. maja, budući (v) Varbnici v kući mane nodara pred svedoci Mikulu Žoržićem i Matijem Ostrogovićem. Pred rečenimi svedoci, budući tu prežento Marica, hći pokojnoga Mikuli Karijanića, reče, da prodaje za se i za nje brata Mikulu njih mesto za njih kuću, vart, popu Gržanu Bozaniću, slobodan, po štimi, ku nam učini Mikula Zoržić i Matij Ostrogov(ić), rotnici, ka štimasta rečeni vart lbr 12. Ki vart je meju ovimi kunfini, z bure mirišće redi p. Bilca, z tarmuntani vart rečenoga kupca, z garbina vilaz rečenoga varta, z juga kuća rečeniju prodavcu. I bi klicano po oficijali Ivani Sparožići na zakoni kaštela Varbnika nedilje tri parve po rečenom štrumenti. 31. Pop Mikula Volarić. 1645. na dan 16. ijuna pred svedoci Matijem Starhovićem i Jurjem Martinčićem. Pred rečenimi svedoci kunpari na oficiju mane nodara pop Mikula Volarić i kuntredika pismo, ko biše učinil s nevestum za se njih deferencije. I reče rečeni pop, da kuntredikuje se ono pismo, ko je učinil s nevestum, a za uzrok, da se on nahaja shinjen i da on nahaja već deferencij meju njima i cetera.
