VJESNIK 12. (ZAGREB, 1910.)

Strana - 159

159 26. Domenigo Bura. V ime bžje i bžne divi Marije, amen, let Hva rojstva 1645., indicijon 13., na dan 29. aprila, budući (v) Varbnici v kući Madoni Dumenigi, hćere p. Pera Datore. Ka rečena Dumeniga posla po me nodara i prosi mane nodara, da pišem ov dar, ča ja učini nji, šinoru Domenigu Buri, ča dukat 200 ali mu stabila ali mu mobila, ča bude njemu drago da zbira, a to od moje doti i kupa doti. I činim ga gospodara da mozi dat, darovat i založit i vse, ča bude njemu drago, i da nijedan suprotiviti (ne mozi) ovomu momu daru, ča mu ja sam dala. Na to prezenti pop Gržan Valjković i njega brat Matij Valjković. 1645. na dan 20. maja referi Frančisko Trombeta od Karka, kako sam klical dari, ke biše dala Madona Dumeniga šinor Domeninu Buri, i bi klicano v Karei po zakoni, na dan 30. aprila bi klič parvi, na dan 7. maja bi klič drugi, maja dan 15. bi klič treti. 27. Matij Justinić. V ime bžje i bžne divi Marije, amen, let Hva rojstva 1645., indicijon 13., na dan 20. aprila (v) Varbnici v kući mane nodara pred svedoci Mikulu Mavrovićem i Jurjem Volarićem, sinom Valićevim. Pred rečenimi svedoci, budući tu prežento Fumija, žena p. Jurja Cvetcića, i ta rečena prodaje Matiju Justiniću nje brajd v lukah reda 2, slobodni, po štimi, meju ovimi kunfini, z bure bra(j)di Mikulanovi, z tarmuntani bra(j)di Franića Vitezica, z garbina bra(j)di Ivana Tolanića, sranjajući pravije kunfini. I biše klicani po oficijali Ivani Sparožići na zakoni kaštela Varbnika nedilje tri parve po rečenom štrumenti. 1 1645. na dan 2. maja referi. Bartol Polonijo i Ivan Fugošić, rotnici, ka štimasta rečena reda lbr 30. Od kih pinez se oziva rečena Fumija od Matija kuntenta i plaćena za lbr 35 pred svedoci Matijem Ostrogovićem i Petro(m) Bozanićem, dajući mu poseg od rečenih brajd, da je voljan uživati, dati i prodati komu njim drago, kako njih pravo blago, obligujući njih branit za rečene brajdi pod obligacijon vsih svojih dobar i cetera. 28. Tištament Lucije Harbića. V ime bžje i bžne divi Marije, amen, let Hva rojstva 1645., indicijon 13., na dan parvi pervara, budući (v) Varbnici v kući dobre i poštene ženi Lucije, ženi p. Petra Harbića. Ka rečena Lucija budući i sideći na njé katridi zdrava životom i pameti i razuma dobra i ona razmišljajući kratkost ovoga s(ve)ta i da vsaki človik, ki je rojen na ov s(ve)t, da ima i jumriti, ne znajući kada ni kadi priđe ta čas, posla po me nodara, moleći me, da njoj pišem nje poslidnji tišta-