VJESNIK 11. (ZAGREB, 1909.)
Strana - 69
69 in disen Windischen Landen sein, ausserhalben des Aufpots in Eur khu. Mt. Erzherzogthumb Osterreich vndter vnd ob der Enns alher zu fertigen etc. Darauf beuelchen vns Eur khu. Mt., das wir mit allem Vleiss nachgedenkhen vnd beratslagen sollen, wie vnd durch was Weg sollich Straff furzunemen, wie die Sachen fueglichen anzugreiffen vnd wellicher Gestallt Eur khu. Mt. Khriegsvolkh, so dasselb zusammen khumbt, gebrauchen. Was auch mitler Zeit mit dem, so jezo bey ainander in Versamblung ist, vnd täglichen Zueziechen gefvnden Veynnten gehandelt soll werden etc. vnd sollichs alles mit merern Innhallt vernumen, vnd geben Eur khu. Mt. zu vernemen, das wir Eur khu. Mt. vorgestern vnser Maynung, was wir mitsambt bayden Herren Banen furgenomen, biss das gross Geschüz khumbt, zu handeln, angezaigt haben. Khunden auch noch nicht besseres befinden. Vnd sonderlichen dieweill wir vns versehen, das gross Geschüz . sey numalls auf dem Weg alher zu pringen, so vns aber dasselbig Geschüz mit genuegsamer Municion zuekhombt, verhoffen wir das Geschloss allhie zu erobern. Vnd wo sollichs beschähe, wollten wir allsdann weiter gegen anderen Eur khu. Mt. Vngehorsamen, wo das am muglichisten sein wierdet, zu verfaren, inn gueter Hoffnung souerr vns der Türkh nit mit eyner grossen Macht entgegen khumbt, vill muglich auszurichten. Vnd nachdem aber wenig Puluer in disen Landen ist, so tragen wir nicht klayne Fursorg, wir möchten dardurch zum Taill verhindert werden. Darauf wissen Eur khu. Mt. genediglichen hierinnen Beuelch zu geben, damit nit Mangl erscheine. Wir fertigen auch heut eylundt den Ludwigen von Pranduss, der auch hie auf sein aigen Costen in Eur khu. Mt. Diensten ist, gen Görz vnd Gradisch, aida sollen zweuen Stukh Puchsen, so Gemeuer prechen, vorhanden sein, damit man vns dieselben auch zuebringen soll, dann wir tragen Fursorg oder es mochten di zwo scharff Mäzen vnd drey Nothslangen, darvon vns Herr Sigmundt von Dietrichstain geschriben, nicht notturftiglichen das Schiessen befunden. W T ir haben auch sollichs eur khu. Mt. oberstn Zeugmaister Vlrichen Leysser anzaigt. Dergleichen was sonnst fur notturftig zu dem Geschüz angesehen, sich darnach haben zu richten vnd sollichs herein fertigen zu lassen. Dann als vns Eur khu. Mt. beuelchen nachzuedenkhen, wie dem Bischoff von Agram vnd seynem Anhengern iere Geschlossen es sey mit Practickhen guetlicher oder haymblicher Handlung oder der Thath abzudringen vnd in eur khu. Mt. Gehorsam vnd Gewallt zu bringen, darinnen wollen wir khainen muglichen Vleiss sparen. Alls auch Eur khu. Mt. vns beuelchen zu beratslagen, nachdem zu sollicher Khriegshandlung eur khu. Mt. ain mercklich Gellt notturfftig werden vnd haben muessen, wie Eur khu. Mt. von derselbigen abgefallen vnd vngehorsamen Vnterthanen in disen Windischen Landen, es
