VJESNIK 11. (ZAGREB, 1909.)

Strana - 70

70 sey mit Prandtschazung oder Aufbringung auf ir Guetér vnd in ander Weg, Gellt erlangt vnd zusammenbracht möcht werden. Darinn wellen wir auch khainen Vleiss sparen. Aber wir haben khain Hoffnung, das sollichs durch vns besehenen mag, es sey dann das Geschloss hie zu Agram erobert vnd wir weiter mit dem Khriegsvolkh in das Landt verruckht. Darumben so wellen Eur khu. Mt. in ander Weg gedenkhen, damit das Kriegsvolkh auf ain Zeitlang mit Besoldung vnterhallten mag werden, vnd was in khinfftig Zeit geprantschazt vnd einpracht wierdet, wollen wir laut Eur khu. Mt. Beuelch guet Ordnung geben, darmit das eingenomen vnd widerumben ausgeben wierdet. Eur khu. Mt. die beuelchen vns auch, dieweil der Bischoff vnd Peter Erdeodi in irrer Schlosser aines ain treffenlich vnd gross Guet zusamen bracht vnd in Bewarung geslahendt haben sollen, das wir bedacht seyen wie man mit guetem Fueg, oder wo das nit sein möcht, mit der Thath darunter khumen vnd zu Eur khu. Mt. Nuz zu wenden. Wollen also der Sachen nachfragen, was alsdan Eur khu. Mt. zu Nuz gehandelt werden mag, soll an vns khain Vleiss erwinden. Dann alls vns Eur khu. Mt. beuelchen, das wir mit ayner Landtschafft in Steyr Verordenten handien vnd erlangen sollen, darmit sy bewilligen ir Rüsstigung nach Ausgang irres Monats noch ain halbes Monat lang zu vnderhallten, nun so hat vns Herr Sigmundt von Dietrichstain etc. geschriben, das er sollichs gethan, vnd sy sich des bewilligt haben, wir wollen aber nicht destweniger verrer mit inen handien, ob wir sy dahin bewegen möchten, darmit sy das annderthalb Monat auf dis obgemeldt Rüsstigung auch bezallten, also das sy noch ain ganz Monat versollt wurden. Wir haben allererst gestern alles Eur khu. Mt. Khriegsvolckh zu Ross vnd zu Fuess für das Geschloss gelegert, also das es an der ain Seiten mit der Stadt, vnd der andern Seiten mit dem Khriegsvolkh numalls belegert ist, vnd haben die vergangen Nacht angefangen hinzu zu schanzen vnd die Ärz-Khnappen zu arbaiten, dan sy vnd Rueger von Wessternach, den wir zu obristen Schanz vnd Grabmaister gemacht, vertrösten vns ganz woll oder sy wellen das Gemeuer vntergraben vnd dermassen mit Holz vnterpolwerkhen, alsdan mit Feur daselbig Holz verprennen, darmit die Mauer hernach fallen soll. Got wells, das es inen geradt. Verhoffen dardurch, wo der Anslag seinen Furgang haben wierdet, Eur khu. Mt. vill Puluer vnd Khugl zu ersparen vnd andern Schaden, der villeicht in ander Weg von dem Geschloss zuesteen möchte, dardurch verhueten. Wir haben Hansen Hoffer Eur khu. Mt. Haubtman zu Tybein, der dan auf sein aigen Cossten mit acht Pfärdten zu Rettung Agram zuezogen ist, nicht widervmb anhaim ziehen lassen wellen, sondern zue ainem Veldmarsçhalckh zu gebrauchen, den wir darzue fur genugsam