VJESNIK 11. (ZAGREB, 1909.)

Strana - 114

„Kamo li su kopovi hrti izabrani, „Iz vnogeh orsagov ki su dopeljani? „Kamo kapitani, ki su me dvorili, „Kamo li vojvode, ki su me kružili? „Kakgoder Adama jesi me vkanila, „Tak s grofa petljam mene si včinila!" Počne zatem gospa milo govoriti: „Ovo je vse ludsko, kaj je naše bilo. „Mili gospodine, već me ne žalosti, „Da smo siromahi, to nam je jur dosti!" Gospodin skrivajuć vu Beč šetuvaše, Kojega sam cesar u rešt daše. S kojem je bil zašel i nje brat Tržački, A vu Turke pobegnul kleti Bukovački. „0 prokleta ura, ku sam se dojila „0 prokleti on dan, da sam se rodila!" — „Gospoja, ne tuži nit zlo ne govori, „Ar si to zaslužila, da te silum dvore!" „Gospodine Petre, ću ti govoriti, „A na službu caru gotova ću biti!" „Ne ti to za dosta, bil si ban horvatski „I tulikajše k tomu kapitan orsaški. „Na kaj ti je onda to bilo činiti, „Ki na hitrom kraljem hotel si postati. „Kam tvoje junaštvo, kam viteško ime, „Koje si sada zgubil, mili gospodine. „Kak Adama Eva vkanila beše, „Tak s figovem listjem Adam se sakrivaše, „Ti se pako sada koprivjem obloži, „Ar si puntat* kraljev i vere kršćanske. „Na to te je dopeljala Katarina tvoja, „Klanjajuć se zato tebe vse prez broja, „Koja je zgubila vse do on čas, „Sada nit je kralica, nit imane lada, „Koja u rešt u Gradec morala je pojti, „Stimam, da je ne bu š njega već dojti, „Ar ju spoznavaju zrok te nevernosti. „To je čudo takvo, koga nam je dosti.