VJESNIK 10. (ZAGREB, 1908.)

Strana - 35

Üardaniam; aut dum pcrfractis Carthagine muris 375 Romanus fureret; pallentes ossibus agri, Sanguine stagnantes campi, fluvijque rubentes, Lcntaque flumina corporibus testantur adhucdum. Sed bene fecerunt Superi; nunc perfidus hostis Sentiat, et proprio discat sapuisse periclo, 380 Quas luat extremum male sana superbia poenas; Liberum Olomucium est quod acri obsidione premebat Barbarus, et validis cinxit quae moenia vallis. Tot concussa malis gaudet secura pericli Moravia, aversi cunctis solatia belli 385 Laeta fluunt; Brussus passis aufertur habenis, An natura pedes Uli, num Daedalus alas Tarn celeres dederit, vix te discernere possis Judice, palantes fidus comitatur Achates, Perpetuusque terit calcem cum calce Croata. 390 Haec praeclara videns facta et Mars ipse Croatis Applausit, gladiumque tenens hoc carmen avena Primum, tum memori jussit sub marmore sculpi. II. Ode. lo triumphe! tempora milites Umbrate lauro, dicite consonos Utrimque plausus, Paeanaque altis Vocibus ingeminate laetum. 5 Io triumphe ! vos niveis super Attollat altum fama curulibus, Et Marte claros vos secundo Per populos vehat axe rumor. Quo clara pulchrae nomina gloriae? 10 Quo fultus armis miles, et inclytus Zietenius cessêre! inani Spes tumidae crepuêre vento. Io triumphe ! cerno fugacium Errare turmas, signaque Brussicis 15 Derepta vexillis, et actam Retro equitum, peditumque nubem. Jam laeta rursus rura mitescere, Florere valles, celsa coli juga, Ipsosque mcssores agrestem 20 Cerno tibi geminare cantum. 376. fluvüque. — 11. Zillenius.