VJESNIK 10. (ZAGREB, 1908.)
Strana - 36
Jam fraudulentis libéra vinculis Urbs ridet hostis densa tonitrua, Nec quo dehiscunt, jam caduco Moenia concutientur igni. Plaudit cruentis Morava decolor Qui currit undis, et calidos adhuc Strages Borussorum, et natantûm Scuta virûm, galeasque volvit. Clamore pulsat Moravus aethera, Festo plateae carminé personant Giomueij, et plausu sonoro Vindobonae sonuere turres. Theresa plaudit, quae tibi debitae Proh dulce nomen ! reddet adoreae Palmam, triumphalemque laurum, et Populei diadema serti. Io virentes plectite laureas, Et sulphuratis foeta tonitribus Tormenta responsent per aether, Laurigerosque canant triumphos. III. I modo Persephone, Superos, Acheronta moveto, Nil tarnen efficies, labor irritus accidet omnis, Tuque nefanda Ceres votis tua jungito vota, Et quibus usque vales, posthac illude Croatis, Noverunt meliora tuis tibi quaerere donis. Brussorum. Gj. Körbler.
