VJESNIK 8. (ZAGREB, 1899)

Strana - 185

garis, quos specialiter ad id etiam deputaverimus sumptibus partium litigantium transmittatis, qui quidem commissarii habent a nobis in mandatis, ut huiusmodi querelas a vobis recipiant, easque iis regnorum Hungariae, Dalmatiae, Croatiae et Sclavoniae incolis seu subditis, contra quos productae fuerint, transmittant, mandando eis, ut in spatio duorum mensium responsione sua instructi et muniti ad diem XV. coram vobis et commissariis hungaricis ad respondendum et ulterius procedendum compareant. Similiter enim iussimus et mandavimus, ut etiam in dictis regnis nostris Hung. Dal. Croat. et Sclav. eiusmodi generalia mandata per commissarios nostros Hungaros publicentur et quemadmodum nunc demonstratum est gravamina et querelae ab autoribus accipiantur et ad vos iransmittantur. Cum igitur huiusmodi querelae a iamdictis commissariis ad vos perlatae fuerint, tunc illas pari modo ducatus nostri Carniolae provincialibus et subditis transmittatis, simulque iniungatis, quo sese ad respondendum intra spacium duorum mensium instructos et paratos reddant, et denique personaliter vel per procuratorem sufficienti facultate munitum in Strasgang compareant, atque finalem istius causae suae terminationem obedienter expectent. Quocirca volumus, imo serio vobis committimus et mandamus, quod vos ad diem XV. ad hungaricos consiliarios et commissarios nostros in Strasgang futuros conferatis, ibique simul accepturi defensiones et responsiones eas querelantibus revidendas tractetis, ac desuper et ipsi si necesse fuerlt intra duos aut tres dies replicas suas exhibere possint, ' atque ita permittatis ad tertiam usque scripturam, et consequenter huiusmodi acta ad summum procedere, et scripturas productas statim absque ullo discrimene seu differentia cuiuscunque regni seu dominii subditos concernant, nihil magis respicientes, quam cjua ratione pro qualitate negotiorum, ne sententia per hoc reliqua impecfiantur, quaeque agi et tractari possint, summa cum diligentia revideatis et perpendatis. Quod si vero in iis controversiis, quae sunt de confiniis, terminis et limitibus seu aliis rebus oculare seu vivum testimonium requireretur, volumus, ut ad illa loca, super quibus controversia existit conferatis ibique totam rem, quomodo se habeat oculis et vivo testimonio aliisque aequis et convenientibus modis cognosceatis et intelligatis, et denique super omnibus differentiis matura consultatione praehabita deliberetis, ac sic tin confinibus, terminis seu limitibus statuendis et alias in rebus et causis huiusmodi omnibus agatis, decidatis et componatis, id quod aequum et iustum fuerit. Quoniam vero in produetione testium inter dicta régna et dominia nostra diversa ratio et consuetudo existit; ideo ne id hinc negotio aliquod impedimentum adferat, statuimus, et ordinamus multitudinem testium ab quavis parte producendorum, abscindendam atque adeo neutri parti ultra 25 testes admittendos esse, at quod iidem testes inermes tantum ad profitendam simplicem veritatem (prout decet) producantur, atque etiam a vobis cuiuscunque partis illi fuerint subditi (modus ne huiusmodi controversiae ipsos testes specialiter concernât) ad testificandum admittantur, et pro more ac consuetudine quarumlibet provinciarum ita tarnen et hac conditione, ut cuilibet parti post publicationem testimoniorum excipiendi tarn adversus personas quam dicta testium reservata sit facultas. Casu vero, quo inter hungaricos commissarios et vos in tractatione diçtorum negotiorum oborirent alique dissensiones, in quibus non possetis