VJESNIK 7. (ZAGREB, 1905.)

Strana - 268

268 et dispositionem nostram libère et legitime devoluta, perpetui et haereditarii iuris titulo dare et conferre consensimus, sub certis tarnen pactis, modis et conditionibus inter nos et praefatum comitem desuper initis, conclusis et erectis, prout haec omnia in literis obligatoriis, per ipsum comitem expeditis ac nobis traditis et consignatis, latius continentur. Quarum quidem literatum tenor sequitur de verbo ad verbum et est talis : Nos Nicolaus comes Zriny, sacrae Romanorum, Hungariae, Bohemiae etc. regiae maiestatis regnorum suorum Dalmatiae, Croatiae et Sclavoniae banus, fatemur et recognoscimus tenore praesentium quibus expedit universis. Quod cum praefata sacra Romanorum, Hungariae, Bohemiae etc. regia maiestas dominus noster clementissimus, considerans fidelia et utilia servitia illa, quae maiestati suae regiae multifaria praestitimus et adhuc iugiter praestamus, ac in futurum praestare volumus et debemus, duo castra Chaktornya videlicet et Strygo inter duos fluuios Dravum et Muram sita, quae secundum iura et consvetudinem regnorum suorum Hungariae et Sclavoniae a morte quondam Volfgangi et Gasparis Ernsth per defectum seminis eorundem ad maiestatem suam regiam libère devoluta esse noscuntur, una cum pertinentiis, suis perpetuo iuris titulo nobis, haeredibus et posteritatibus nostris universis dare et conferre clementer consenserit atque etiam nunc consentit, mediantibus tarnen modis et conditionibus prout sequitur. Primum omnium, quod nos comes praefatus nostris sumptibus et impensis possessionem duorum castrorum ex manibus Petri Keglevyth, tamquam iniusti eorundem castrorum occupatoris et détenions, eripiamus et adipiscamur, ipsumque Keglevyth maiestatis suae regiae inobedientem subditum et rebellem, omnibus nostris viribus et facultatibus per omnia nobis possibilia bellorum et impugnationum gênera agrediamur et impetamus, donec eum ita devincamus et subjugemus, ut débita rebellionis poena puniatur ; hoc specificato, ut Stipendium illud, quod maiestas regia nobis ad officium banatus est impensura, hoc praetextu non cesset, sed eo etiam tempore, quo occupation! eorundem castrorum et exeeutioni infrascriptorum articulorum haerebimus et occupabimur, nobis nihilominus dictum Stipendium iuxta ordinationem faciendam continue currat et cedat, quia et pro regnorum defensione in confinibus et locis necessariis contra hostes gentes teuere debebimus. Quod ut nos eo facilius citiusque contra praefatum Petrum Keglevyth conflciamus, regia sua maiestas concessit et promisit nobis, ac concedit et promittit, ut non solum dictorum castrorum Chaktornya et Strygo possessionem, verum etiam omnes alias arces et bona ipsius Keglevyth, tam in Sclavonia quam in Croatia existentes et existentia, nec non abbatiam et monasterium Thopoczky, simul etiam et iuxta caeptam dictorum castrorum obsidionem invadere et occupare, eisdemque uti et frui possimus et debeamus, quoad videlicet praefatorum castrorum Chaktornya et Strygo possessionem obtinuerimus. Quam primum autem iam dictorum castrorum possessionem obtinuerimus, ipsa quidem castra Chaktornya et Strygo cum eorum bonis et pertinentiis pro nobis, haeredibus et posteritatibus nostris universis perpetui et haereditarii iuris titulo habeamus et possideamus, abbatiam vero et monasterium Thopoczky aliaque bona haereditaria ipsius Keglevyth per nos occupanda citra moram et sine exceptione et tergiversatione ad sacrae suae regiae maiestatis aut ab ea deputatorum manus consignare et tradere debeamus et tene-