VJESTNIK 6. (ZAGREB, 1904)
Strana - 81
81 Tandem ultimatim praesentibus egregüs et nobilibus Luca Radichevich provisore episcopali, Michaele Plantich castellano, Matthia Perksich spano capitulari : primo fassa est medio anno se intra consortium sagarum fuisse kakoti jedna smert med nimi buduća aliti dekla, pri gospodskeh ciglanicah na križeputju su ju med se vzele, kade su ju živimi kačami bile. Govori za Hlebarku, da je ona prava copernica, i Jakopa mesara žena na varošu, i kovačica Guliška, stara Vajdovica na Manduževcu, poveda jednu Vlaške vulice, koju bude Kollopanka znala, a govori da Kollopanka nije copernica, Jančene žene govori da je kip kaže, da je takova, ali ne zna jeli med nimi, ar ona nezna velikašic. Poveda tulikajše Nechiszovku iz Potoka, i govori, da nje već od jednoga leta med nimi, i ona im je dekla ; nadalje govori za Jančenovu ženu Jelicu, da je ona stara med nimi i da ju je videla med nimi, ali se ne dala pravo videti, ar se je sakrivala. Item fassa est extra torturam, da nekoja Klinchevica drugač pekovica, na Manduševcu stojeća, debela životom žena, kotera okolu gospih vu porodu nihovoga vremena hodi i služi, četiri leta med copernicami je, i da je na sastališću nihovom najgorša i najhujša bila, i da ju je sve živemi velikemi kačami bila. Item Kavalerka, žena kovača Kavalera, takaj na Manduševcu stojeća, valuvala je rečena incusata, da je ona vre leto med nimi, i da je ona nju, kakoti i perva, živemi kačami bila i strahuvala. Item valuvala je rečena incusata, da Lovrenca vratara dolnih vrat kaptolonskih žena je med nimi, kak zdavnja, to nezna. Item sestra rečenoga Lovrenca vratara, kotera na Vrabči stoji, kotera takaj ju je živemi kačami bila i tepla, i jako huda nje je bila. Item valuvala je, da Matek. Singulinchich, kmet g. Vzolina, na Vilice stojeći, od zdavnja jest med nimi, i da je on njoj najhujši bil med nimi. Item Nechiszovka, kotera ima hiže na Potoku pod gospona meštra hižami, da je ona dve lete med nimi. Item Elisabetha, ut vocant Jalžunka, Kliucharicheva žena, koteru je videla vu kipu ili obračku zraku letajuću, i da je nije mogla svesem dobro videti, ar se je pokrivala po obrazu, ali vendar da ju je spoznavala, kada je vetar odpuhaval iz obraza peču, ar one starejše vsigdar se pokrivaju i ne dadu se videti mlajšim ; i to takaj, da ova ista Jalžunka človeče meso onde vu nihovom spravišću jela i pila, i druge ostale da nije mogla spoznati, ar su pokrite bile. Praeterea, da imenovane Klinchevicza, Guliska i Kavalirka prešesni vtork večer mrakom jesu došle k njoj vu temnicu buduče na postelje, grozeći se je, da nima ništar na muke proti njim i ako pove, da ju hoće zagutiti, i da bi bila dan današnji na čavle postavljena, da su gore rečene tri copernice k nje došle i drugoč da su je se grozile i nju zderžale vu mukah, da nije mogla vu čavle vujti. Item ove iste tri rečene vučinile su ju napravljati iz pepela trojačkoga i kvaterne petke žganoga tuču, i da z ovakovoga pepela vnoga zla mogu podelati. Item kako je bila pred pol dana stanovitu ženu vu vlaške vulice, moder mentenic imajući, valuvala, kotera s putrom i s mlikom več krat na varošu 6
