VJESTNIK 6. (ZAGREB, 1904)

Strana - 47

47 per generale consilium Iadrae, vobis nobili viro ser Georgio Viti de Zadulinis, supra capitaneo nostrae galeottae, quam transmittimus contra Pagenses, committimus ac vobis attribuimus, super gentibus ipsius galeottae, ut tantam habeatis potestatem in regendo et gubernando eos ac puniendo, quantum habent rectores civitatis Iadrae super civibus Iadrae. Item mandamus et committimus vobis, quatenus vos cum galeotta et gentibus super ea obedire debeatis nobili viro domino Damiano de Nassis, capitaneo nostro generali et quicquid vobis mandaverit, debeatis inviolabiliter observare. Datum Iadrae anno dominicae incarnationis 1394. indictione secunda, die 15. mensis martii. A ter go : Comission a Zorzi de Zadulini capitaneo de galea de Zara contra Pagesani. 3 Ods uda ninskoga sabora od 24. juna 1396. Nos Ioannes Dei et apostolicae sedis gratia Zagrabiensis episcopus, decretorum doctor, serenissimi principis ac domini domini Sigismundi, eadem gratia, inclyti Hungariae, Dalmatiae, Croatiae regnorum regis, marchionis Brandeburgensis, secretarius cancellarius etc. Nicolaus de Gara, regnorum Dalmatiae et Croatiae praedictorum banus, per eandem exceilentiam regiam ad ipsas partes Dalmatiae et Croatiae, pro aquirendis suis iuribus regalibus et universis querulantibus iudicio et iustitia impendendis, nec non quibusvis defectibus et incommoditatibus ipsorum regnorum suorum, ac civitatum suarum, in dicto regno Dalmatiae constitutarum et existentium, specialiter autem factis et causis inter nobiles et prudentes viros rectores, consilium et commune civitatis Iadrensis ab una parte, autem ex altera rectores, consilium, commune insulae Pagensis, vertentibus iudicandis, disponendis et reformandis, cum pleno mandato potestate seu facultate celsitudinis regiae, vicarii seu delegati générales etc. Notum facimus tenore praesentium, quibus expedit et unicuique, quod cum nos suprascripti nuper, videlicet feria secunda proxima post festum sacratissimi Corporis Christi proxime elapsi, iuxta praefatae excellentiae regiae speciale edictum et mandatum praemissum, ulteriori consumatione et utiliori ac commodiori expeditione, universis dictorum regnorum Dalmatiae, Croatiae nobilibus, civitatibusque ac aliis, cuiusvis status, conditionis et praeeminentiae hominibus, in civitate Nonensi, generalem celebravimus congregationem, ac pro impendendis quibusvis querulantibus iudicio et iustitia, una cum reverendis in Christo fratribus et nobilibus ac magnificis viris dominis Grisogono traguriense et Ioanne nonense episcopis, Butcone et Paulo filio Budislavi, comitibus Corbaviae, Ioanne filio quondam Nicolai palatini de dicta Gara, aliisque universis dictorum regnorum nobilibus, potioribus de qualibet etiam civitate praedicti regni, videlicet a Traguriensi, Spalatensi, Ragusiensi, Sibenicensi, Scardonensi, Nonensi et Arbensi duobus aut tribus nobilibus viris nobiscum coasumptis pro tribunali consedissemus et tunc discretus vir Ioannes Presbyter Ratych et Bellota, cives civitatis Pagensis in ipsorum ac totius insulae eiusdem Pagensis personis cum sufficientibus litteris procuratoriis eorundem, de medio caeterorum querulantium exurgentes, adversus nobiles et prudentes viros rectores, consilium et commune praefatae civitatis Iadrae, cum gravi et urgenti querela exposuerunt per hune modum : Quomodo nuper annotati Iadrenses, una cum plurimis sacrae regni Ungariae coronae infidelibus et notoriis aemulis in navibus armatis et potentiarum (!) ad praedictam insulam Pagensem accedentes, in insula eadem hominum interremptiones, nec non suspensiones, decollationes, decapitationes, oculorum eructiones et excoecationes, vulnerationes, manum et pedum truncationes et mutilationes, virginum deflorationes, sanctimonialium et aliarum quamplurimarum turpissimas et enormes dehonestationes, ignis in-