VJESTNIK 6. (ZAGREB, 1904)

Strana - 48

48 cendia et combustiones, indebite et sine lege, potentia mediante, commisissent, quosdam etiam ex presbyteris seu sacerdotibus praefatae insulae Pagensis, alios interimendo, alios autem in irreverentiam et dedecus seu vituperium sacri sacerdotalis seu clericalis ordinis et potestatis sanctae matris ecclesiae, ipsos presbyteros pileis et coronis papyreis seu de cartis excisis infulantes, et super ipsorum capita imponentes, in dicta civitate Iadrae et per vicos et plateas eiusdem civitatis eosdem presbyteros, sic ut praemittitur infulatos, turpiter et vituperose pelli et duci, ipsamque tandem insulam Pagensem et ecclesiam et monasteria in eadem existentes et habitas singulis thesauris et universis rebus et mobilibus et immobilibus ipsius insulae, valoris et pretii ingentis et inestimabilis spoliari et depredari fecissent, sacrilegia multifaria in eadem insula committentes, de eisdem rebus, bonis et thesauris per ipsos Iadrenses spoliatis et depredatis, iuxta vota et libitum voluntatis eorumdem disponentes, allegaverunt ulterius iidem Ioannes Presbyter et Bellota sindici et procuratores iam dictorum Pagensium, quod cum plurima excellentiae regiae mandata, ut ipsi Iadrenses a praemissis tirannizzationibus, afflictionibus, ac poenarum et iniuriarum illationibus tamdiu quousque per Maiestatem regiam praemissa per singula iudicarentur et deciderentur, detinere debuissent et desistere sub poenis grandissimis"et gravioribus in eisdem litteris regalibus, coram nobis in specie productis, latius expressis et productis, Iadrensibus praedictis directa et publicata extiterint, attamen praefati Iadrenses minime huiusmodi mandata regia ipsis directa et praesentata formidantes et considérantes, nec praescriptas poenas et gravamina per Maiestatem regiam eis interposita advertentes et iurantes, a praemissis nullatenus desistere, ac se ipsos retrahere voluissent, quinimo iidem Iadrenses in contemptum et vilipendium dictorum mandatorum regiorum, actus potentiarum indicibiles, damna, periclitationes, affictiones et alia mala peiora peioribus intulisse dignoscerentur et quod etiam Iadrenses antelati volcntcs ut annotati Pagenses hactenus liberi, per huiusmodi insignia servi ipsorum denotarentur conditionales, statuissent et firmiter decreverunt, quod mulierum et dominarum dictae insulae Pagensis vestes et indumenta coloris alterius nisi nigri seu lugubris, viri autem eorundem universaliter pileos albos sclavonicales et non alios temporibus perpetuis affuturis lerre ac portare deberent et tenerent, intendentes per insignia huiusmodi de liberis servos facere perpetuos et conditionales, et debitum iuris naturae praevertentes ; alias etiam afflictiones et periclitationes, damna et iniuria, quae per singula longum et prolixum foret enarrare et exprimere, ipsi Iadrenses absque aliquali misericordia, dictis Pagensibus intulisse et irrogase, seu perpétrasse perhibentur, supplicantes annotati sindici seu procuratores iam dictorum Pagensium, nominibus quibus supra, humiliter et devote, ut nos visis et pensatis, consideratis praenominatis praemissis ipsorum calamitatibus, iniuriis, periclitationibus, afflictionibus, spoliationibus, derobationibus, combustionibus, nec non multifariis dehonestationibus et aliis praeallégatis quibus hactenus per immanes et immisericordes manus iam dictorum Iadrensium lacerati fore perhiberentur, ipsos Pagenses seu eamdem insulam Pagensium ab huiusmodi Iadrensium manibus et potestate eripere, ac caeterarum civitatum regalium regni Dalmatiae praefacti coetui universo et consortio, ut Maiestati regiae semper fideliter et sub purissima fide et constantia quirent et valerent famulari. dicta auctoritate regia nobis attributa, connumerare et aggregare, eisdem Pagensibus de singulis gravaminibus et poenis, quae et quas annotati Iadrenses in non observatione et vilipensione dictorum edictorum regiorum adversus annotatas Pagenses incurrisse denoscantur et nihilominus de singulis praenominatis factis potentiariis. damnis, afflictionibus et aliis singulis praenominatis ipsis Pagensibus per annotatos Iadrenses potentialiter illatis, irrogatis et perpetratis, congruam, omnimodam et plenam satisfactionem, nomine et in persona dicti domini nostri regis exhibere, impendere et administrare dignaremur. Quibus auditis et perceptis, nobiles et prudentes viri Paulus de Georgiis de Iadra, miles, Iacobus de Raduchis legum doctor, Paulus de Paulo, cives civitatis iadrensis, le-