VJESTNIK 3. (ZAGREB, 1901.)

Strana - 158

158 oder sonndern personnen, so ichtes wider mich zu clagen sich zubeschwären, oder das durch mich annders als einen erlichen gepornnen man gehanndlt, fürzutragen vnnd mich zubeschulldigen vermaint, das ich meinem ambt vnd beuelch nit ein genuegen than, solliches wie sich gebürt mit grundt vnd warhait zuuerantwurten vnnd dermassen abzulainen, das ich zue got dem Allmechtigen vnnd seiner heilligen gerechtigkait verhoff, E. Ku Mt. vnnd aller meinglichen darob woll zufriden erstettigt sein vnnd gründtlich bericht werden, das mir vor meinen missgönnern im grünt mit allem demso mir zuegemessen vnd wider mich aussgeprait vnrecht beschehcn, pin auch in dem allen der hochtrestlichen zuuersicht, obgleich E. Ku, Mt. ichtes erfinden wuerde, das ich an solchen laudigen vnfall schuld vnd vrsach hct, des sih doch nach erwegung meiner nachuolgenden vnnderricht darinnen mein höchster mennschlicher vernuiglicher vleiss gespiert nicht erfinden soll, so wuerdt doch E. Ku. Mt. in derselben von got hochgegeben weishaydt verstanndt sambt derselben hochweisen rät als ain gnedigister gerechter millder guettiger khunig aus angepornner guett zuerwegen wissen, das ich auch nuer ain mensch, vnnd allersachen nicht volkhomen pin, wie ich dann alle zeit, so ich zudergleichen und disen hochwichtigen beuelchen fürgenomen, Eu. Ku. Mt. meinen geringen verstandt selber cnndtegkht vnnd derhalben, ob was nachlässigs oder vnformlichs durch mich und meines taills gehanndlt oder vebersehen, nicht meiner vntreue oder aus ainichem pösen gemuet, aigennuzs oder gefar beschehen zu sein. In bedacht das mich E. Ku. Mt. allzeit vnnd nun souill jar herr in derselben hochwichtigen diennsten, darinnen ich mein leib vnd leben meines vermügens vnnd verstanndts weder verschont noch gespart, auffrichtig, vleissig, redlich vnd getreue befunden, sondern allain dem vnglickh dem zorn vnd straff des allmechtigen gottes zuemessen, vnnd mich in dem so ich vebersehen haben mecht, alls ain gnediger gerechter guetiger khunig, dem ich mich dann derhalben gannzs beuilch gnediglich zubedenngkhen, wie ich dann des nach vernembung herkhomens der sachenn in khainen zweifl stezs mit dem allerdiemuetigisten bitten ob der lenng vnnd erzellung des geschichts welliches ich meiner hohen notdurfft nach in sollicher eill nit pas khürzen noch ordenlicher stellen mögen, khainen verdruss zuhaben, sunder wie nachuolgt genedigs gehör vnd auffmerckhen zugeben. Erstlich, alls nun die khriegsrät des monats may lanngsam nacheinannder geen Agram ankhumen, auch der lanndt rüstung vnd diennstfolkh, ausshalb der von Österreich vnnd der Enns, welliches des lannds vnnd der Enns khryegsrat gleichwoll spat khamen, daselbs zu Agramb ain guete zeit still gelegenn, vnd allain mit den freyhaiten, vorstännden, Vorzügen, geschafften, betschadten, vnd rats fragen, irrungen und disputation gehabt, mit inen erliten, in vill schwär weg mit inen gehanndlt, die gern verglichen, wo ich die gleich heute zufriden gemacht vnd vergleicht, so ist es morgen aber annderst gewest, da mecht ich gleichwoll etlichen mit ernnst zuegesprochen haben, sy sollen der zeit derselben disputation absteen, dann es gab weder lieb, noch iüederung der hanndlung sambt dem, wo man das hören, so wuerdt man nuer vnglinnschen dauor tragen, darzue wuerden wier denen, so wier helffen sollen, wenig trost vnnd dem veindt ain gross herz machen, wo er der vnainigkhait erinndert werden soll, vber solhe erzellung mit merern anhanng, das es nit stathaben wellen etlich wie vorbemelt angereth der mainung als wollt ich des E. Ku. Mt. anzaigen. Vber solhe hanndlung vnnd vergleichung sein täglichen khundtschafft khomen, der Türghen besamblung vnd besterckhung, die willens warn die geringen schärt zu vberfallen, weihe vnden woll an der Gränizen zue Cristollowiz gelegen sein, vnnd die khundschafft so strenng ganngen, dardurch die khriegsrät vnd ich bewegt worden, E. Ku. Mt. etc. vnnd der lanndt notdurfft der beschüzung, auch eroberung der verlornen päss vnd erweiterung der gränizen dardurch E. Ku. Mt. vnnd der lanndt nachtaill zuuerhietten, dess aufpots vnnd besterkhung mit rat anzelanngen. Auff das, so die Wynndischen lanndt iren zuezug in gemainem lanndtag bewilligt, mit grossten vill zuesagenn auch yeder herr aigner person anziehen wolldt, wie