VJESTNIK 2. (ZAGREB, 1900.)
Strana - 21
21 1305. Veglae, 10. Januaru. Testamcntüm Stasiae, uxoris Adami de Andreasio Veglensis, scriptum per notarium Jacobum, filium quondam Gerardini de Ripatransoni 1 , in domo praenominatae Stasiae testatricis praesentibus Paulo de Barbarova, magistro Sergio de Pellipario et aliis de Vegla ad haec omnia convocatis specialiter et rogatis. Heredes erant: Maria et Dobra, filiae eiusdem Stasiae, quibus dimisit domum positam Veglae in curia magistri Sergii de Pellipario prope domum Pauli de Murie et prope viam publicam et quandam vineam suam positam in Pornaybo prope gurgum Bune de Sabala et prope vineam Petri de Gavartino; capitulum Veglensis ecclesiae cathedralis, cui dari jussit et assignari unum bisantium; sodalitas sanetae Mariae ipsius ecclesiae, cui dimisit medium bisantium; sodalitas sancti Francisci de Vegla, cui dari jussit medium bisantium ; Petrus de Alexandro, canonicus Veglensis et patrinus eiusdem testatricis, cui dimisit medium bisantium; Maria, soror eiusdem testatricis, cui assignari jussit medium bisantium; Dominica, fllia Buniti et neptis eiusdem Stasiae, cui concessit et dimisit quatuor bisantios denariorum parvorum et unum eozzum, unam cassellam magnam, unam cottam et unam galissam et totum ornatum de tela; fratres Minores de Vegla, quibus dimisit usufruetum proximi venturi anni de sua vinea de Pornaybo ; denique filia eiusdem Dobra, cui dedit pro eo, quod quando fuit tradita viro suo non habuit tantum de bonis suis, quantum alia eius filia Maria, vineam de Callis Spartitis 2 prope vineam Nicole, quondam Jacobi de Cotarina, et unam archellam et tinam maiorem. Procurator et fideicommissarius et huius testamenti exsecutor fuit canonicus ecclesiae Veglensis Petrus de Alexandro. 1318. Veglae, 8. Martii. Sabatius, quondam Mauri Gambalerii, donavit Mencho, filio quondam Andreae de Carsagno, medietatem suam unius vallis ex parte boreae, de qua aliam medietatem dicebat habere Schimosa, soror ipsius Mcnchi, in contrata Lacus Viatorum. Item partem suam de tribus vallicellis, quae fuerunt olim eiusdem Menchi in eadem contrata, prope viam publicam, prope terras olim Mauri de Calcina. Item terras, quae fuerunt olim eiusdem Mauri, patris sui, in eadem contrata a Monchello a planchis veniendo versus Veglam usque ad vallicellam a Ceresso, apud gurgum de Gamayla, apud viam pulicam, apud terras praedicti Mauri de Calcina. Item vallicellam a Sorbo cum suo runcho usque ad lactellum de Paulizulo. Item medietatem partis suae, quam habet de ipso lacu de Paulizulo cum omnibus iuribus suis. 1320. Veglae, 14. Decembris. Sabatius, quondam Mauri Gambalerii, donavit Mencho, filio quondam Andreae de Carsagno, unum runchum cum duobus bacchilibus in contrata Ruzol de Baccho, apud terras, quae fuerunt olim Mauri de Calcina, apud runchum eiusdem Menchi apud ipsum Ruzolum. 1326. Veglae, 13. Aprilis. Martinus, quondam Cosmae de Andricich, donavit Andreae, quondam Menchi de Carsagno, duos gurgellos contiguos, quorum unus vocatur Favillus et alius vocatur gurgellus Dalisipi, positos in contrata basilicae novae, apud lactellum de Paulizulo et prope lactellum dictae basilicae novae. 1 Ripatransone je grad u talijanskoj pokrajini Ascoli Piceno. 2 Tako se zvala jedna ulica u gradu Krku.
